1. A Bltikerreng er a Dios a Diak a Ulebengelel
1 A DIOS A BETIK A RENGUL ER KAU
“Momtebechel er kemiu el ngar a bltikerreng er a Dios, . . . [e le ngmo] meskemiu a diak a ulebengelel klengar.”—Jude 21
Ngera uchul me ngulterekokl a rengum el kmo a Dios a betik a rengul er kau?
-
Johanes 3:16; 1 Johanes 4:8-10; Ocholt 4:11
A Jehovah a mileob a rokui el tekoi el ngar tia el chutem me bo el sebeched el oldeu a rengud er ngii. A uriul er a lerebet er a klengit a Adam me a Eva, e ngdimlak lemengodech a moktek er a Dios. Ngulderechii a Ngelekel el mo mad el olubet el tenget me bo el sebechir a rokui el chad el mo er ngii a techellir el mo nguu a diak a ulebengelel el klengar.
-
A Jehovah a olengeseu er kid er chelecha el taem el okiu a Biblia, chedaol reng er ngii, me a sengk er a nglunguuch. Sel doluluuch el mo er ngii, e ngorrenges er kid.
2 A DEBLECHOEL EL OLENGESENGES ER A JEHOVAH E NGMO UCHUL A KLUNGIOLED
“Ngak a RUBAK el Dios el olsisechakl er kemiu el mo ungilbesmiu.”—Isaia 48:17
Ngmekera mo uchul a klungiolem sel omolengesenges er a Jehovah?
-
A Jehovah mesa blakerreng er kid el olengesenges er ngii. Me sel dolengesenges er ngii e nglmuut el mo ungil a klengar er kid er chelechang e mo er ngii a ungil omeltked er a ngar medad el klebesei.
3 NGSEBECHEM EL OCHOTII ER A JEHOVAH EL KMO NGBETIK A RENGUM ER NGII
“Ele bltikerreng er a Dios a belkul a kmo kede oltirakl a llechul.”—1 Johanes 5:3
Kid, ngsebeched el olengesenges er a Dios?
-
Duteronomi 30:11; Psalm 103:14
A Jehovah a medengei el kmo ngdiak demecherrungel. E diak longerechir er kid el mo meruul a tekoi el diak el sebeched el meruul.
-
A bltkil a rengud el mora Jehovah a meskid a klisiched el mo olengesenges er ngii el mo lmuut er a bo dechelebangel a meringel el blekeradel.
-
Osisechakl 6:16-19; Efesus 5:17
A omellach er a Biblia a osisecheklid el mo medengelii a uldesuel a Dios. Aika el omellach a sebechel el sumechokl a uldesued e smisichii a bltkil a rengud el mora Jehovah. Ngdirrek el ngosukid el mo medengei aike el kired el meruul, alta ngdiak a ulterekokl el omesodel el ngar er a Biblia.
