“Ak mo osisecheklau er a rael el kirem el merael er ngii.”​—Psalm 32:8

Ngera kired el melatk a lsekum e ngsoad el mo bechiil?

• 1 Korinth 7:39; 2 Korinth 6:14

  Ngolechotel a llomeserreng obo bechil a chad el blak a rengul el mesiou er a Jehovah.

• 1 Korinth 7:36

  Ngkmal ungil obo bechiil er sel taem el urungulem el kirel a tekoi er a durs a mla engelakl.

• 1 Korinth 7:28

  Bo letabesul a osengem el kirel a chebechiil. A rokui el chebechiil a di ngar ngii a omelsemai er a chelsel.

“Ng diak lungil er a chad a di le ngii el tang. Ak mo rullii a ungil kldemel el mo olengeseu er ngii.”​—Genesis 2:18

Ngera ngmengerechir er ngii a Jehovah er a bechiil el sechal me a bechil?

• Efesus 5:23; 1 Timothy 3:1-7; 5:8

  A bechiil sechal a oungerachel er a temel a omengull el telungalek e dirrek el omekerreu aike el lousbech a bechil me a rengelekel er a bedengir me a uldesuir. Ngdirrek el oungerachel el olisechakl e mellach er a rengelekel.

• Osisechakl 31:10-31; Rom 7:2

  A bechiil redil a ungil sechelil e chelmengel a bechil. Ngolengeseu el melisiich aike el omelilt el loruul e dirrek el omekerreu er a delengcheklel. Ngdirrek el olengeseu er a bechil el olisechakl er a rengelekir.

• Efesus 5:33; Filipi 2:4

  A bechiil el sechal me a bechil a kirir el mo kaukerreu e mo kelatk aike el soal a tang el kuk ngaruchei er aike el soal.

“Bo letal chelechad.”​—Genesis 2:24

Ngmekera e sebechel melemolem el mesisiich a chebechiieled?

• Osisechakl 3:5, 6; Mateus 19:6

  Ngmle moktek er a Jehovah el soal a chebechiil a lolemolem el diak a ulebengelel. Ngmeskid a kot el ungil el ulekrael el kirel a chebechiil.

• Psalm 130:3; Kolose 3:13

  A rubekel a kirir el mo outekangel a chelitechetul a ta me a tang. Ngkirir el mo kausubes e mo blechoel el omes aike el klungiolel a ta me a tang.