“Bo letal chelechad.”​—Genesis 2:24

Ngmekera e sebeched el mo diak dolemall er a rengul a bechid?

• Mateus 5:28; Efesus 4:31

  Bo leblak a rengum er a bechim el uldimukl er a tekoi el momdasu. Bo mungil medengei a uldesuel, me a lsekum e ke mo melechesuar el kmo ke melemall er a rengul, e mkengei el melodech a blekerdelem.

• Galatia 5:15

  Ngkmal diak el soad el melemall er a bechid me a lechub e detemellii a rengul. A mekngit el omelekoi a di melemall a chebechiil e merekong.

• Osisechakl 5:18; Hebru 13:4

  A Jehovah a omes er a laokreng el oberaod el klengit. Me ngsoad el oterekeklii a rengud el mo blechoel loba blakerreng el mora bechid e mo omes er a chebechiieled el kmal mekreos. Ngkmal diak el soad el otubii a Jehovah me a lechub e ngbechid.

“A blil a delengchokl a meteketek el ngar bebul omekedecheraol el llomeserreng.”​—Osisechakl 24:3

Ngera sebechem el meruul me bo el mesisiich e lengar ngii a deurreng er a chebechiielem?

• Osisechakl 24:4; Mateus 6:14, 15; Rom 12:2; 1 Petrus 3:1

  Mongoit a taem el mengedecheduch er a bechim. Molecholt er a bltikerreng, omengull, me a blekokuii el mo er ngii. E mosuub el mo mereched el ousubes.

• Osisechakl 14:1; 31:29; Filipi 1:9; 2:4; 1 Petrus 3:7

  Molengit er a Jehovah me lengesukau el lmuut el mo ungil bechiil sechal me a lechub e ke bechiil redil. Mosiik a rolel e ngsebechem el olecholt er a blekokuii e dirrek el mo melatk er a bechim.

• Rom 12:10; 1 Petrus 4:8

  A lsekum e ke remuul aike el rokui el sebechem el ochotii el kmo ke mengreos e mengebkall er a bechim, e ngmo mesisiich a chebechiieliu e dirrek el mo odeuir a rengul a Jehovah.