13. A Rokui el Ungil Klebesei Ngoldeu er a Rengul a Dios?
1 A ROKUI EL TEKOI EL DORUUL A KIREL KOBKELLII A JEHOVAH
“A cho monga ma cho molim ma cho moruul er a ngii di le ngerang, e moruul el rokui el mo kirel odengesel a Dios.”—1 Korinth 10:31
Ngmekera e sebechel mo ungil a omelilt er kid el kirel a ungil klebesei?
-
Osisechakl 15:15; Olisechakl 3:12, 13; Rellir 20:35; 2 Korinth 9:7
A Jehovah a soal a doldeu a rengud er a klengar. Ngsoal a bo debekokuii e debekururau er a bek el sils, el diak el di el sel temel a ungil klebesei.
-
Ngdiak el blechoel el beot er kid el mo medengei aike el kired el meruul. A Satan a mengeblad er kid lokiu sel lerellid el mo rrau a rengud el kirel a ungil me a mekngit.
-
Mosuub el mo medengei a uchelel aike el merael a chisel el ungil klebesei me bo modengei el kmo, ngodeuir a rengul a Jehovah me a lechub e ngdiak.
2 A BETOK EL MERAEL A CHISEL UNGIL KLEBESEI A MLA ER TIRKE EL MENGULL A NGODECH EL CHELID
“Kom mo medengelii a klemerang, ma klemerang a ngubetemiu el mo diak msibai.”—Johanes 8:32
Ngera uchelel a bebil er a ungil klebesei?
-
2 Korinth 6:14-18; 2 Johanes 6, 7
A uriul er a lemad a rechapostol, e a reklsuul el sensei a ngilai a siukang me a ungil klebesei el mla er tirke el milengull a ngodech el chelid el osiseb er a chelsel a ongdibel e uluusbech a tekingir a Rekristiano el omngakl. A betok er aikang a dirk longedaol el me lmuut er chelechang, el ua Easter me a Halloween.
-
Ngar er a betok el beluu e a Kurismas a longedaol er ngii er a December 25, engdi tiang a diak el sils er a cherellel a Jesus.
-
Genesis 40:20-22; Markus 6:21-29
A Rekristiano er a irechar a dimlak longedaol a tanziobi. A Biblia a di mesaod a mekngit el tekoi el kirel a tanziobi.
3 MORUUL A UNGIL OMELILT EL KIREL AIKE EL UNGIL KLEBESEI EL BO MONGEDAOL
“Molasem el mesuub el kmo ng ngeral tekoi odeuir a rengul a Rubak.”—Efesus 5:10
Ngua ngera el ungil klebesei a kirir a Rekristiano el mengeroid er tir er ngii? Sel moruul a omelilt el kirel a ungil klebesei, e di lekau el oker el kmo:
-
Isaia 52:11; 1 Korinth 4:6; 2 Korinth 6:14-18; Ocholt 18:4
Tiang ngulemuchel er a klsuul el omengull, me a lechub e ngtekoi er a remekngit el anghel?
-
Jeremia 17:5-7; Rellir 10:25, 26; 1 Johanes 5:21
Tiang mengebkall er a chad, cheldebechel, me a lechub e ngklekedall el omtechei a beluu?
-
Tiang mengebkall er a ta er a bliongel er a rechad me a lechub e ngbeluu?
-
Psalm 97:10; 1 Korinth 2:12; Efesus 2:2; 1 Petrus 4:3
Tiang ngmelisiich er a “reng er a beluulchad,” el ua mo cheltelaol me a lechub e ngomeruul el deleboes?
-
A lsekum e ak mo teloi er tia el ungil klebesei, e ngar ngii a bo el temellii er a ukltkir a rebebil?
-
Rom 12:1, 2; Kolose 4:6; 1 Petrus 3:15
A lsekum ak melilt el diak bo kteloi er tia el ungil klebesei, e ngmekera bo kusaod er ngak er a rebebil?
