“Ng diak . . . kubengterir a re cheblad.”​—Psalm 26:4

Ngera uchul me a llemalt a kmal klou a ultutelel er a chelsel a telungalek?

• Osisechakl 6:16-19

  A llemalt er a chelsel a telungalek a mo uchul e a rechedal a mo kaumerang er a delongelir. A rechedal a telungalek a kirir el mo melemalt a omerellir, el mo lmuut er a taem el bo lemeringel er tir.

• Osisechakl 22:6; Efesus 6:4

  A rengalek sel lesterir a redemerir me a rederrir el melemalt a omerellir, e ngmo beot er tir el mo meruul a llemalt.

“Le RUBAK a ouketui er a re chad el meruul a mekngit, e bai kmeed er a re melemalt.”​—Osisechakl 3:32

Ngera uchul me ngklou a ultutelel a bo el melemalt a omerelled el obengterir a rudam me a rudos er kid er a ongdibel?

• Osisechakl 10:19; Kolose 4:6

  Ngsoad el blechoel el melekoi a klemerang, engdi a tekinged a kirel el medung el ngar er a ungil rolel.

• Levitikus 5:1; Hebru 13:17; Jakobus 5:14, 15

  Sel dolekoi a klemerang el mora remechuodel er a ongdibel, e ngmo sebechir el ngosukid.

• Jeremia 32:9-12; Efesus 6:5-8

  A lsekum e kede ousiobai el obengterir a rudam me a rudos er kid, e ngkirel mo melemalt a omerelled, e mo tabesul a blekerdeled el mo er tir, e mo oltaut a telbiled.

“A lsekum ng kirem el melilt er a le ungil a chisem ma klou el kerruul, e molilt er a le ungil a chisem.”​—Osisechakl 22:1

Ngar er a chelsel a ngera el blekeradel e ngkired el mo olecholt a melemalt el omeruul?

• Psalm 37:21; Mateus 22:17-21; Rom 13:1-7; Efesus 4:25, 28

  Ngkirel melemalt a omerelled sel doureor el mora merredeled, sel doruul a tekoi er a siobai, dolai a test er a skuul, me a doruul a form, el ua tax return me a babier er a kabelment.

Ngera uchul me a melemalt el omeruul a kuk ungil er a tekoi er a kerruul?

• Psalm 15:1, 2; Osisechakl 11:1; 1 Timothy 6:9, 10

  A chisel a chad el kmo ngmelemalt a omerellel e sebechir a rechad el ultuil er ngii a kot el mekreos. A melemalt el omeruul a ngosukid el mo ungil a ukltked. A Jehovah a omes a rokui el melemalt el tekoi el doruul e mereng a suled el kirel.