“Bo moltirakl a tekingel a Dios. Momtok er a Diabelong, me bo lechiis er kemiu.”​—Jakobus 4:7

Kede mekera medengei el kmo ngsebeched el omtok er a Diabelong?

• Ocholt 7:9, 14

  A Jehovah a msang a telkelel a tekoi el loruul a Diabelong el mei er kid. A Dios a mla tibir el kmo a klou el seked a mo suobel el mo soiseb er a beches el beluulechad.

• 2 Kronika 15:2

  Sel dolemolem el kmeed er a Jehovah, e a Satan a diak el sebechel el tomellii a deleuill er kid me Ngii.

• 1 Korinth 10:13; Hebru 11:4-40

  A Jehovah a tibir el mo olengeseu er kid el lomelemii a blakerreng er kid, el di ua lurruul el mora rebetok el chad er a irechar.

“Ng diak lak dodenge uldesuel.”​—2 Korinth 2:11

Ngua ngera el bedikl a lousbech a Diabelong?

• Johanes 15:19; Ocholt 12:12, 17

  A Diabelong a mengedereder er a beluulechad, engdi ngdiak longedereder er a rechedal a Jehovah, me ngbai rulleterir el mo delengchelel.

• Genesis 3:1; Galatia 5:19-21; Efesus 6:12

  A Diabelong a melasem el mo medengei a chelitechetud me bo el sebechel ousbech el omtok er kid.

• Levitikus 19:26; Isaia 1:13, 15; Markus 5:25, 26

  Ngkired el mo kerekikl sel dolilt a rolel a ukeruul. A chad a sebechel kmal mo ouedikel a rengul me ngmo melasem a rolel a ukeruul el lousbech a ileakl el klisiich el diak el ngar er a Jehovah el mei.

• Duteronomi 18:10-12; Rellir 19:19; Galatia 6:7; Ocholt 21:8

  A lsekum a remekngit el anghel a mesa el kmo kede semeriar er a ileakl el klisiich el diak el ngar er a Jehovah el mei, e ngsebechir el ousbech er tia el uldesued el mo omedikl er kid. Me sel bo doruul a tekoi el chelsechusem er a klisichir a remekngit el anghel, e ngmla mo diak doba blakerreng el mora Jehovah.

“A Diabelong [a] . . . bulak e demal a bek el blulak.”​—Johanes 8:44

Ngmekera domerk a chelebeldil a Diabelong?

• Rom 1:11, 12; 2 Timothy 2:16

  A rechad a blechoel louchais a cheldecheduch el mesaod er a Diabelong me a remekngit el anghel el leko te kmal mesisiich. Me ngdiak el soad el omelekl aika el cheldecheduch el mo omekdakt er a rechad, e ngbai kired el mo kasisiich er a delongeled.

• Efesus 6:11

  Sel bo dodengei a bedeklel a Diabelong, e ngmo sebeched el otngeklii e melemolem el kmeed er a Jehovah.