“Misei e bai de ngesechekl el mor a osisechakl el kirir a re ultebechel el chad.”​—Hebru 6:1

Ngera belkul a bo dultebechel a rengud el Kristiano?

• Rom 8:5; Hebru 5:14

  Ngousbech a taem me a blakerreng el mo ultebechel a rengud. A ultebechel a rengul el Kristiano a melasem el omes a tekoi el oba osengel a Jehovah e meruul a ungil omelilt.

• Osisechakl 27:11; Jakobus 1:2, 3

  A omelsemai a meskid a techelled mo melisiich er a klaumerang er kid e ochotii a bltkil a rengud el mora Jehovah.

• Osisechakl 3:5, 6; Jakobus 1:5

  Sel moruul a omelilt er kau, e molebedebek el kirel aike el soal a Jehovah a obo moruul e molengit er ngii me lengesukau.

• 2 Korinth 13:5

  Lak meterob el mesuub el kirel a Jehovah e molisiich er a deleuill er kau el obengkel.

‘Molatk e mongiil er a osebechekled el ua helmet, el ngar a bdelud.’​—1 Thesalonika 5:8

Ngmekera omeltked e omekerreu er kid?

• Hebru 12:2

  A omeltkem el kirel a ngar medam el taem a kmal mesisiich. Ka di molatk er a rolel e a omeltkel a Jesus a ngilsuir el outekangel a ringel el lechilebangel.

• Filipi 4:6, 7

  A lsekum ke mo melechesuar el kmo ngmla mo mechitechut a omeltkem, e moluluuch el kirel. A uldasu el mengitechut me a klaumededenger a sebechel choitechetur a rengum. Engdi Jehovah a sebechel meskau a blekeu me a budech er a uldasu.

• Malakai 3:10; Rom 8:21

  Bo blechoel melebedebek el kirel a omeltkem er a ngar medam el taem. A beches el beluulechad a lmuut el kmal mo ungil er a ngii di el tekoi el sebechem el mdesuii.

• Psalm 37:4; Jude 21

  A Jehovah a soal a obo momes er ngii el ua kmal ungil sechelim. Moruul aike el rokui el sebechem el mo olengesenges er ngii, e molekeed er kau er ngii er a bek el sils.