“[A rengul a chad a] diak a cheblad el ua ingii; ng kmal smecher me ng diak le mukar.”​—Jeremia 17:9

Ngera ngmla meskid a Jehovah el ngosukid el omeksau er a ukltked?

• Rom 9:1; 1 Korinth 4:4

  A ukltked a diak lecherrungel me ngsebechel mecheuid. Ngkirel el mukrael er a chedaol reng, el diak di lultuil er aike el domdasu.

• Hebru 5:14; 1 Petrus 3:16

  Ngar er a Biblia, e kede suub a uldesuel a Jehovah, el sebechel el ngosukid el mo medengei a melemalt me a cheleuid el tekoi e ngosukid el omeksau a ukltked.

“Lak a chad el omdasu er a di ungil er ngii, e bai lomdasu er a ungil er a re bebil er a re chad.”​—1 Korinth 10:23, 24

Ngmekera dolecholt a omengull el kirel a ukltkir a rebebil?

• Rom 15:1, 3

  Ngkakerous a ukltkir a rokui el chad. A ukltkem a locha kongei er kau el meruul er a tekoi el ukltkel a ta er a chad a diak lekengei el meruul er ngii.

• 1 Korinth 10:31-33

  A apostol Paulus a millatk er a rudam me a rudos er ngii el kuk ngaruchei er ngii. A uldesuir a lmuut el mle meklou a ultutelel er a uldesuel.

• Rom 14:10, 19

  A Jehovah a milskid a ukltked me bo el sebeched el di kid el merriter er kid, el diak dousbech er ngii el merriter er a rebebil. Me ngkired el mo kerekikl el diak dorrimel er a rechad me bo lomdasu el kmo kede melemalt e tir a cheleuid.

“E mo blekebek a medad er medal a Dios . . . [e le] kede medengei el kmo a Dios a lmuut el chubechubchad er a rengud e medengei a rokui el tekoi.”​—1 Johanes 3:19, 20

Ngera uchul me ngdiak bo el mechitechut a rengud a lsekum ngdirk ouuchel a rengud el kirel a tekoi el derirellii er a ngar er a mong?

• Psalm 86:5; 1 Korinth 6:11

  Ngsebechel mo meringel a uldesued el kirel a tekoi el deriruul er a ngar er a mong el ngii a sebechel rullid el mo omdasu el kmo, ngdiak a ultuteled alta kede mla obult er a kngtid. Engdi ngdiak el sebeched el ngmodech a mla mo merek el tekoi. A Jehovah a mla ousubes er kid, me a kngtid a mla mo diak. Me ngsebeched el mo klikiid er a osengel.

• Galatia 6:2; 1 Petrus 2:16

  “A llechul a Kristus” a mengai er a omellach er a Biblia el diak el llach. Me ngmo lmuut me a lsekum e ngdiak a llach el kirel a blekeradel, e a Kristiano a diak bo losiik a rolel e bo loruul a cheleuid el tekoi.