“Le RUBAK a . . . kmeed er a re melemalt.”​—Osisechakl 3:32

Ngmekera bo dungil melilt er a resechelid?

• Rom 1:11, 12; 2 Korinth 6:13; 1 Petrus 2:17

  A resechelid a locha kakerous a siukang me a blekerdelel a klengar er tir, engdi a klou a ultutelel a kmo, ngbetik a rengrir er a Jehovah.

• Ruth 1:14, 16; 1 Samuel 18:1; Filipi 2:20-22

  A Biblia a ngar ngii a betok el ungil kerebai er a rungil sechelei.

“A sechelid a di blechoel el oubltikerreng, e a ta er kid el sechal a ngosukid er a chelebuul.”​—Osisechakl 17:17

Kede mo mekerang a lsekum e ngmo kakebosech a uldesued kid me a sechelid?

• Psalm 133:1; Mateus 6:14, 15; Rom 14:19

  Momuchel el meruul er a budech me lolemolem el ngar ngii a kltarreng.

• Osisechakl 17:9; Kolose 3:13; 1 Petrus 4:8

  A bltikerreng a rullid me ngdiak derellii a kekerei el tekoi el mo uchul a klou el mondai. Ngmo ngosukid el mo ousubes e moba blakerreng.

• Psalm 141:5; Osisechakl 27:6

  Lak mobes el kmo a mera el sechelim a diak lemedakt el mesmechokl er kau.

• Osisechakl 12:18; 18:24; 1 Johanes 3:16-18

  Molemolem el kmeed er a resechelim loeak sel bo mungil sechelei.

“A rokui el omesmechokl sel le mer kid er chelechang e ng meringel er kid . . . e ngdi uriul e tirkel ngila klubelir er ngii a mo meridm a redechel a ungil klengar.”​—Hebru 12:11

Kede mo mekerang a lsekum a sechelid a ngiltii el mo oltngakl er a Jehovah?

• 1 Korinth 5:11-13; 2 Johanes 9-11

  A lsekum a sechelid a melemolem el meruul a mekngit el tekoi e diak el soal a ngeso, e ngbelkul a kmo ngmla mo diak el soal el chedal a ongdibel.

• 1 Petrus 1:15, 16

  A omesuld el ngakl a olechotel a bltikerreng el mora Jehovah, ngklel, me a llechul.