“Mak uutubuach er medal a Chedam, el bek el ongalek . . . a ngmai a ngklir er ngii.”​—Efesus 3:14, 15

Ngera uchul me a Jehovah soal a dolecholt a omengull el kirel a telungalek el bla leketmeklii?

• Osisechakl 10:1

  A Jehovah a kiltmeklii a telungalek el mo basio er a ulekerreu el sebechir a rengalek el mukeroul er a chelsel, me a dirrek el rechad er a chelsel a mo dmeu a rengrir er a ungil deleuill er tir.

• Osisechakl 1:8; 1 Korinth 11:3; Efesus 6:1-3; 1 Petrus 3:1

  Ngmo uchul a klungiolel a telungalek sel sekum a rederta el chedal a oltaut a ngerechelir.

A “Kristus [a] bdelul a eklesia.”​—Efesus 5:23

Ngera uchul me ngkired el oureor el obengkel a ongdibel?

• Mateus 24:45-47

  A Jesus ousbech er a “blak a rengul e mellomes a rengul el mesiou” el mo omekerreu er a rechedal a Dios el ngar tia el chutem.

• 1 Thesalonika 5:12; Hebru 13:17

  A remechuodel me a remesiou er a ongdibel a olengeseu el melisiich er a ongdibel. Kede olecholt a omengull el kirel a dereder er a Jehovah sel doureor el olengeseu er tirka el odam.

• Rellir 20:28

  Ngmo uchul a klungiolir a rokui el chad a lsekum kede mui el olengeseu a tekoi er a ongdibel. Tiaikid a rolel a omengull el bla leketmeklii a Jehovah.

“Ng diak omerreder el dimlak le ngar a Dios el mei, ma ikel ngar ngii el omerreder a meldalem er a Dios.”​—Rom 13:1

Ngmekera dolecholt a omengull el mora kabelment?

• Mateus 5:16; 1 Petrus 3:15

  Kede olecholt a omengull lokiu a tekinged me a omerelled, e tiang a kobkellii a Jehovah.

• Rellir 26:2, 25; Rom 12:17, 18

  A Rekristiano a oltirakl a llach er a beluu. Te melemolem el olecholt a omengull el mo lmuut er a taem el bo el mekngit a omeruul el mo er tir.

• Rom 13:1-4

  A omellach er a Biblia a sebechel ngosukau el mo olengesenges er tirke el olab a dereder.

• Mateus 22:37-39; 26:52; Johanes 18:36; Rellir 5:27-29; Hebru 10:24, 25

  A lsekum a kabelment a olengit er kau el mo meruul er a tekoi el diak loltirakl a llechul a Jehovah, e ngmo kirem el melilt el kmo ke mo olengesenges er techang.