“Ngak a diak kua re chad er a beluulchad, me tir me te ua ingak el diak le ua re chad er a beluulchad.”​—Johanes 17:16

Ngera uchul me ngdiak deteloi er a beluulechad er a Satan?

• 1 Johanes 5:19

  “A beluulchad” a melekoi el kirir a rechad el diak lodengelii a Dios e dirrek el cheltikaik er ngike el mengedereder er a beluulechad, el Satan.

• Jakobus 4:4

  Ngsoad a Jehovah a bo lomes er kid el ua desechelil. Kede oukerebai er a Jehovah me a Jesus er a uldesued, cheldechedechad, me a omerelled.

“Bo mkerekikl er a uldesuem, ele uldesuem a omtebechel er a klengar er kau.”​—Osisechakl 4:23

Ngera belkul a doltngakl a uldasu er a beluulechad er a Satan?

• Efesus 2:2; 1 Johanes 2:16

  A Satan a di melatk er a di ngii, e kedidai a rengul, e omtok. Ngsoal a rechad a bo lomdasu el kmo ngdiak a belkul a lolengesenges er a Dios.

• 1 Korinth 10:31

  Kede ochotii el kmo ngdiak dechedal a beluulechad lokiu a tekinged me a omerelled. Kede dirrek el ochotii lokiu a tekoi el doruul er a bek el sils.

• 1 Korinth 2:12; 1 Johanes 4:4

  A lsoad el mo oltngakl a uldasu er a beluulechad er a Satan, e ngkired el melemolem el kmeed er a Jehovah e mo omdasu el uai ngii.

“Mongkar er kemiu er a bek el bedengel a nglemokel; ele klengar er a chad a diak lultuil er a ildisel a kloklel.”​—Lukas 12:15

Ngera ngosukid el mo ua uldesuel a Jehovah el kirel a tekoi er a kerruul?

• Rellir 20:35; 1 Timothy 6:9, 10

  A Satan a soal a bo doumerang el kmo a tametereng me a ilteet a rullid el mo dmeu a rengud. Engdi a Jesus a ullisechakl el kmo a deurreng a mo er ngii lokiu a ungil deleuill er a chad el obengkel a Dios me a dirrek sel lorous el mora rebebil.

• Mateus 6:31, 32; Markus 12:30, 31; Lukas 21:34-36

  Sel lultaut a osenged er a omesiunged el mora Jehovah, e ngmo er ngii a belkul a klengar er kid. Ngsebechel el mo dmeu a rengud e mo budech a uldesued.