5. Kede Mekerang e Mo Diak Dechedal Tia el Beluulechad?
1 A REKRISTIANO A OBA BLAKERRENG EL KIREL A RENGEDEL A DIOS
“A rengedek a diak le renged er tial beluulchad.”—Johanes 18:36
Kede mekera ochotii el kmo ngdiak domekbitang, kede bai olab el mora Rengedel a Dios?
-
Isaia 2:2-4; Johanes 6:15; 1 Petrus 3:15
Ngdiak dengar er a mekemad me a lechub e deteloi a tekoi er a balatiks.
-
Exodus 20:4, 5; 1 Johanes 5:21
Ngdiak dongull aike el klekedall el omtechei a beluu. El ua tiang, ngdiak dongull a banderang.
-
A uldikel a di mo uchul a lmuut el betok el uldikel. Me kede mengiil er a Jehovah el mo sumechokl a mondai er tia el beluulechad.
-
Johanes 13:34, 35; 1 Johanes 3:10-12
A rokui el kldemed er a klaumerang, el kakerous a belurir, kleblillir, me a lechub a ulekurulir a rudam me a rudos er kid. Me ngkmal diak dekengei el mo oumekemad er tir.
2 A REKRISTIANO A “DIAK LE UA RE CHAD ER A BELUULCHAD”
“Ngak a diak kua re chad er a beluulchad, me tir me te ua ingak el diak le ua re chad er a beluulchad.”—Johanes 17:16
Ngera uchul me ngdiak deteloi er a beluulechad er a Satan?
-
“A beluulchad” a melekoi el kirir a rechad el diak lodengelii a Dios e dirrek el cheltikaik er ngike el mengedereder er a beluulechad, el Satan.
-
Ngsoad a Jehovah a bo lomes er kid el ua desechelil. Kede oukerebai er a Jehovah me a Jesus er a uldesued, cheldechedechad, me a omerelled.
3 A REKRISTIANO A MENGEROID ER TIR ER A ULDASU ER A BELUULECHAD
“Bo mkerekikl er a uldesuem, ele uldesuem a omtebechel er a klengar er kau.”—Osisechakl 4:23
Ngera belkul a doltngakl a uldasu er a beluulechad er a Satan?
-
A Satan a di melatk er a di ngii, e kedidai a rengul, e omtok. Ngsoal a rechad a bo lomdasu el kmo ngdiak a belkul a lolengesenges er a Dios.
-
Kede ochotii el kmo ngdiak dechedal a beluulechad lokiu a tekinged me a omerelled. Kede dirrek el ochotii lokiu a tekoi el doruul er a bek el sils.
-
A lsoad el mo oltngakl a uldasu er a beluulechad er a Satan, e ngkired el melemolem el kmeed er a Jehovah e mo omdasu el uai ngii.
4 A UDOUD A DIAK EL SEBECHEL SOBECHEKLID ME A LECHUB E LEBESKID A BUDECH ER A ULDESUED
“Mongkar er kemiu er a bek el bedengel a nglemokel; ele klengar er a chad a diak lultuil er a ildisel a kloklel.”—Lukas 12:15
Ngera ngosukid el mo ua uldesuel a Jehovah el kirel a tekoi er a kerruul?
-
Rellir 20:35; 1 Timothy 6:9, 10
A Satan a soal a bo doumerang el kmo a tametereng me a ilteet a rullid el mo dmeu a rengud. Engdi a Jesus a ullisechakl el kmo a deurreng a mo er ngii lokiu a ungil deleuill er a chad el obengkel a Dios me a dirrek sel lorous el mora rebebil.
-
Mateus 6:31, 32; Markus 12:30, 31; Lukas 21:34-36
Sel lultaut a osenged er a omesiunged el mora Jehovah, e ngmo er ngii a belkul a klengar er kid. Ngsebechel el mo dmeu a rengud e mo budech a uldesued.