“Molasem el osiik el kmo ng ngera soal a Rubak cho bo moruul.”​—Efesus 5:17

Ngera el omellach er a Biblia a sebechel ngosukid el mo ungil melilt a tekoi er a ongelaod?

• Psalm 16:8; Osisechakl 6:16-19; Galatia 5:19-21

  Ngkired el mo ouketui aike el tekoi el Jehovah ouketui, el ua kdekudel el omeruul, tekoi el lolisiich a remekngit el anghel, me a deleboes el omeruul.

• Psalm 19:14; Filipi 4:8

  Sel domekeek a uldesued er a ungil tekoi, e kede odeuir a rengul a Jehovah.

• Mateus 6:33; Efesus 5:15, 16

  Ngkired el mo kerekikl er a klungel a taem el dongoit er ngii el kirel a tekoi er a ongelaod. A omengull er kid el mora Jehovah a kirel el mo kot el klou a ultutelel el tekoi er a klengar er kid.

“Lak a chad el omdasu er a di ungil er ngii, e bai lomdasu er a ungil er a re bebil er a re chad.”​—1 Korinth 10:24

Ngera uchul me ngkired el melatk a uldesuir a rebebil el kirel a ongelaod el dolilt?

• Olisechakl 7:16; Rom 2:21

  A ongelaod el lolilt er ngii a tang a locha mo ngodech er sel lengiltii a kuk ta er a Kristiano. Me ngdiak el kired el oukerrekeriil er a rebebil el kirel a omelilt er tir, kede bai melasem el mo ungil a omelilt er kid.

• Galatia 6:5; Filipi 4:5

  A ukltked a ngar ngii a lerellii er a omelilt er kid, e a rokui el chad a kakerous a ukltkir.

• 1 Korinth 10:32; Filipi 1:10

  Ngdiak el soad el melibas er a rudam me a lechub a rudos er kid, me kede mo kerekikl el melilt a tekoi er a ongelaod el soad.