“Kemiu el rokui el olab a klalo er a Templo er a RUBAK . . . di mchedaol e mtobed er a beluu.”​—Isaia 52:11

Ngmekera e mo klikiid a omengull er kid?

• 1 Korinth 10:21; Jakobus 1:27

  Kede mengeroid er kid er a siukang me a klaumerang el chelsechusem er a klsuul klechelid.

• Levitikus 11:44; Malakai 3:6

  A Jehovah a blechoel lomekerreu er a rechedal lokiu sel lomesterir a llechul me a omellach er ngii.

“De kikidid er a ikel mengikiongel a bedenged ma rengud.”​—2 Korinth 7:1

Ngera el omeruul a soal a Jehovah a dongeroid er kid er ngii?

• Mateus 22:39; Rellir 17:25; Titus 3:1

  Mongeroid er kau er aike el tekoi el tomellii a bedengem me a lechub e ngkodebengii a klengar er kau, el ua omelamech el dekool me a lechub e ngmekngit el usbechel a rrom me a mekngit el kar. Kede mengeroid er kid er aikang e le kede oba omengull el kirel a klengar er kid, klengar er a rebebil, me a dirrek el llechul a beluu el dekiei er ngii.

• Rom 7:21-25

  Me alta ngmo meringel er kid el mengoit a mekngit el omerelled, engdi lak demeterob el melasem. Ngokiu a ngelseuil a Jehovah, e ngsebeched el mo mesisiich.

“Ma bedengek a kulik er ngii el omtebechel er ngii.”​—1 Korinth 9:27

Ngera sebechel ngosukid el mo mesisiich er a mekngit el omerelled?

• Mateus 6:13

  Moluluuch el olengit er a chedaol reng me lengesukau el mo oltngakl a ngibes.

• 1 Petrus 4:3, 4

  Mongeroid er kau er a rechad, mubi, me a lechub e ngchelitakl el rullii el mo meringel er kau el oltngakl a mekngit el omerellem.

• Rom 12:1, 2

  Bo mkltmokl el smodii sel uchul me ngdiak moruul a tekoi, el ua omelamech el dekool.