9. “Mongeroid er Kemiu er a Deleboes”!
1 A DELEBOES A BEDIKL
“Mongeroid er kemiu er a deleboes”!—1 Korinth 6:18
Ngera uchul me ngkmal kdekudel a deleboes?
-
Ulecherangel 25:1-9; 2 Korinth 2:11
A beluulechad er a Satan a kmal nguibes er a tekoi er a durs, e tia el uldasu a sebechel ngar ngii a letemellii er a rechedal a Jehovah. A deleboes el omeruul a ta er a bedikl el lousbech er ngii a Satan e kmal loureor, me ngkired el mengeroid er kid er ngii.
-
Osisechakl 22:3; Galatia 6:7, 8
Molatk a ringel el mo er ngii el deleboes a uchul.
-
A chad el melemolem el meruul a deleboes a diak el sebechel el melemolem el ngar er a ongdibel.
2 NGSEBECHED EL OLTNGAKL A DELEBOES
“Ngdi chad a di ngii el mor ongarm sel le mekesuseu e lobedikl er a ikel mekngit el soal a rengul. E a ikel mekngit el soal a rengul a . . . mo mechellii a klengit.”—Jakobus 1:14, 15
Ngmekera doltngakl a deleboes?
-
Job 31:1; Jeremia 17:9; Mateus 5:27, 28; Kolose 3:5
Di mereched el otngeklii a mekngit el uldasu er a uchei er a lemukeroul el mo ngelbesel a rengum, e mongeroid er kau er a osengel a siasing er a remeau.
-
Genesis 39:7-12; 2 Korinth 4:7; Jakobus 1:5
Mouedikel er chelechang, e molengit er a Jehovah me lengesukau.
-
Molebedebek aike el klungiaol el mo er ngii e le kau el olengesenges a llechul a Dios.
-
Osisechakl 13:20; 1 Korinth 15:33
Molilt el mo sechelirir tirke el betik a rengrir er a Jehovah e uai kau lolab a llechul.
3 LAKO METEROB; A JEHOVAH A MO NGOSUKAU
“Kau a ungil, e ousubes a tellemall.”—Psalm 86:5
Ngmekera Jehovah a lengesukid a lsekum kede mla ruebet er a oberaod el klengit?
-
Psalm 103:14; Osisechakl 28:13; Rom 7:21-25
A lsekum a chad a ouuchel er a rengul e obult er a mekngit el omerellel, e a Jehovah a mo ousubes er ngii.
-
Galatia 6:1, 2; Jakobus 5:14-16
A remechuodel er a ongdibel a sebechir el ngosukid el lmuut el sumechii a deleuill er kid me a Dios.
-
Osisechakl 3:5, 6; Filipi 4:8, 9
A uldesuem bo lodeuir a rengul a Jehovah, seikid e ke mo ungil melilt a tekoi.
