15 EL SUOBEL
Ngtecha Jesus?
A Jesus a ta er a kot el merael a chisel chad er a reksi. Me nguaisei engdi oumesingd el chad a di medengelii a ngklel, e betok a kakerous a uldesuir el kirel. Ngera ngmelekoi a Biblia el kirel a Jesus?
1. Ngtecha Jesus?
A Jesus a ngar er a eanged el mesisiich el anghel. A Jehovah el Dios a milebii er a uchei er a lomeob a rokui el tekoi. Sei a uchul me ngokedongall el “Ngelekel el Sechal el okiu uchei e ngarbab er a ikel rokui el mle duubech.” (Kolose 1:15) A Biblia melekoi el kirel a Jesus el kmo ng “di tal Ngelekel” a Dios e le ngdi ngii el tang ulebeob er chimal a Dios. (Johanes 3:16) Nguluureor lobengkel a Demal lolengeseu er ngii lomeob a rokui el tekoi. (Monguiu er a Osisechakl 8:30.) Ngngar ngii a mesisiich el deleuill er ngii me a Jehovah. Ngika “Tekoi” el belkul a kmo ngmelekingel a Dios, louchais a klemechel me a ulekrael er ngii.—Johanes 1:14.
2. Ngera uchul me a Jesus a mlei er tia el chutem?
Bekord el 2,000 el rak er a mla me mong e a Jehovah rirellii a ongasireng. Nguluusbech er a chedaol reng er ngii el rullii a ekebil Maria el ngii a dirkak a ta el bo loilil, el mo dioll er a Jesus. Me a Jesus a mlechell el chad. (Monguiu er a Lukas 1:34, 35.) A Jesus a mlei er tia el chutem el ngike el telbiil el Mesias, me a lechub e ng Kristus, el molsobel er a rechad. a Aike el rokui el ulaoch el kirel a Mesias a tilaut er a Jesus, me a rechad a mlo sebechir el dongchii el kmo, ng “Mesias el Ngelekel a di ngar el Dios.”—Mateus 16:16.
3. Ngngar ker a Jesus er chelechang?
Uriul er a lemad a Jesus, e ngmilekiis el anghel e liluut el mora eanged. Ngar isei e a “Dios a ulengesecheklii el mor sel kot el ngarbab el deruchall.” (Filipi 2:9) Chelecha ngoba kmal ngarbab el deruchall, el ongerung er a Jehovah.
BOM DMOLECH EL MERRITER
Bo modengei a lmuut el betok el kirel a Jesus me a klungel a ultutelel a bo dodengelii.
4. A Jesus a diak el Dios lolab a bek el klisiich
A Biblia olisechakl el kmo a Jesus a mesisiich el anghel el ngar er a eanged engdi ngngar cheungel a chederedellel a Demal e Dios er ngii el Jehovah. Ngera uchul me ngsebeched el melekoi el uaisei? Momes er a VIDEO e mues aike el olisechakl a Biblia el kirel a klekakerous er a Jesus me a Dios lolab a bek el klisiich.
Aika el bades a mo ngosukid el mtebengii a deleuill er a Jehovah me a Jesus. Monguiu a derta el bades e mosaod aike el ker loeak uriul er ngii.
Monguiu er a Lukas 1:30-32.
-
Ngmilekera anghel e mesaod er a deleuill er a Jesus me a “Kot el Ngarbab el Dios” el Jehovah?
Monguiu er a Mateus 3:16, 17.
-
Ngera ngdilu ngor el mlara eanged er sel taem er a lemetecholb a Jesus?
-
Omomdasu e ngika ngtechang el milengedecheduch?
Monguiu er a Johanes 14:28.
-
Ngtecha klou e olab a lmuut el ngarbab el klisiich? Ngchedam me a lechub e ngngalek?
-
A Jesus ulemekedong er a Jehovah el Chedam. Tia ngngera ngosisecheklii er kid?
Monguiu er a Johanes 12:49.
-
A Jesus ngomdasu el kmo ngii me a Demal a osisiu el chad? Ngngera uldesuem?
5. Jesus ulechotii el kmo ng Mesias
A Biblia betok a ulaoch er ngii el ngosuterir a rechad el dongchii a Mesias, el ngike el miltutk er a Dios el mo olsobel er a rechad. Momes er a VIDEO e mues aike el bebil er a ulaoch el tilaut er a Jesus er a lengar tia el chutem.
Monguiu aika el ulaoch er a Biblia e mosaod aike el ker loeak uriul er ngii:
Monguiu er a Mika 5:2 e msuubii el kmo a Mesias ngmle kirel mechell er ker. b
-
A cherellel a Jesus ngultutii tia el ulaoch?—Mateus 2:1.
Monguiu er a Psalm 34:20 me a Sekaria 12:10 el mo medengei aike el lulemlaoch a Biblia el kirel a kodellel a Mesias.
-
Aika el ulaoch ngtilaut?—Johanes 19:33-37.
-
Omomdasu a Jesus ngmla er ngii a klisichel er a otutel aika el ulaoch?
-
Aika ngera ngochotii er kau el kirel a Jesus?
6. Ngmo uchul a klungioled sel dosuub el kirel a Jesus
A Biblia ouchais er a klungel a ultutelel a bo dodengelii a Jesus me a moktek er a Dios el kirel. Monguiu er a Johanes 14:6 me a 17:3 e mosaod er tia el ker:
-
Ngera uchul me ngkmal klou a ultutelel el dosuub el kirel a Jesus?
Jesus a milekengii a rael el sebeched el mo sechelil a Dios. Ngullisechakl er a klemerang el kirel a Jehovah, e oeak ngii e ngsebeched el nguu a diak a ulebengelel el klengar
A REBEBIL A KMO: “A Resioning er a Jehovah a diak loumerang er a Jesus.”
-
Ngmekera omonger er tir?
SUMMARY
A Jesus a mesisiich el anghel. Ngngelekel a Dios e Mesias.
Review
-
Ngera uchul me a Jesus a okedongall el “Ngelekel [a Dios] el Sechal el okiu uchei e ngarbab er a ikel rokui el mle duubech”?
-
Ngera ngmirruul er ngii a Jesus er a uchei er a lemei er tia el chutem?
-
Kede mekera medengei el kmo a Jesus a Mesias?
A LSEBECHEM E MOMES
Mosuub a lmuut el betok el kirel a ngerechelel a Jesus el Mesias.
“Do Messianic Prophecies Prove That Jesus Was the Messiah?” (Suobel el ngar er a Internet)
Monguiu el kmo a Biblia ngolisechakl el kmo, a Dios a mlo demal a Jesus el ngar osisiu el rolel e a rechad a mo oungalek.
“Why Is Jesus Called the Son of God?” (Suobel el ngar er a Internet)
Morriter a uchul me a Trinidad a diak el osisechakl er a Biblia.
Monguiu er a rolel e a klengar er a ta el redil a mlengodech er a uriul er a lorriter aike el lolekoi a Biblia el kirel a Jesus.
“A Jewish Woman Explains Why She Reexamined Her Faith” (Awake!, May 2013)
a A 26 me a 27 el suobel a mo mesaod er a uchul me a rechad ousbech er a osobel me a rolel e a Jesus olsobel er kid.
b Momes er a 2 el Endnote el kirel a ulaoch louchais er a taem el Jesus a me duum er tia el chutem.
