16 EL SUOBEL
Ngera Ngmirruul a Jesus er a Lengar Tia el Chutem?
A rebetok a medengelii a Jesus, engdi a rebebil a locha di medengei el kirel aike el dilubech el mo er ngii er a letolechoi, a rekuk bebil a di medengelii el mellomes a rengul profet, me a rekuk di medengei el kirel a kodellel. Engdi a bo dosuub el kirel a klengar er ngii er a lengar tia el chutem, e ngsebeched el suub a lmuut el betok el kirel? Ngar tia el suobel e kede mo mesaod a meklou a ultutelel el tekoi el leriruul a Jesus me a rolel e ngsebechel ngosukau.
1. Ngera sel kmal mle urerel a Jesus?
Sel kmal mle urerel a Jesus a “olisechakl er a Ungil Chais er a Rengedel a Dios.” (Monguiu er a Lukas 4:43.) Ngulemerk el kmo a Dios a mo toketekii a renged, me a lechub e ngkabelment, el ngii a mo sumechokl a rokui el mondai er a rechad. a Ngmle edei el rak me a tedobech el lemeringel loureor louchais er a rechad er tia el klumech.—Mateus 9:35.
2. Ngera uchul me a Jesus a mirruul ongasireng?
A Biblia mesaod a betok el “ongasireng ma meklou el tekoi el le riruul a Dios el oeak [a Jesus].” (Rellir 2:22) Nguleak a klisichel a Dios e a Jesus a mle sebechel lomtebechel er a eanged, omekang er a rebetok el telael el chad, omekungil er a resmecher, e olekiis er a rulekoad. (Mateus 8:23-27; 14:15-21; Markus 6:56; Lukas 7:11-17) Aika el ongasireng lurruul a Jesus a mileketeklii el kmo ngmlara Dios el mei. Ngdirrek el lulechotii el kmo a Jehovah a ngar ngii a klisichel mesmechokl a rokui el mondai er a rechad.
3. Ngera sebeched el suubii er a rolel a klengar er a Jesus?
A Jesus a ullengesenges er a Jehovah er a chelsel a rokui el blekeradel. (Monguiu er a Johanes 8:29.) Alta ngmlo chelebangel odechelakl engdi ngdi millemolem loba blakerreng el meruul aike el rokui lullengit a Demal el mo lmuut er a kodellel. Ngulechotii el kmo ngsebechir a rechad el melemolem el mesiou er a Dios er a chelsel a meringel el blekeradel. Me a Jesus a “milechere kerebai el [kired] el mesuub er ngii.”—1 Petrus 2:21.
BOM DMOLECH EL MERRITER
Molatk er a rolel a Jesus a ulemerk er a ungil chais e meruul ongasireng.
4. A Jesus ulemerk er a ungil chais
A Jesus a mirrael er a hokori el rael el betok el dart el mael el lomerk er a ungil chais el mora rechad. Monguiu er a Lukas 8:1 e mosaod aika el ker:
-
A Jesus, ngdi ulemerk el mo er tirke el mlo kldibel lorrenges er ngii?
-
Ngera ngmirruul a Jesus losiik er a rechad?
A Dios a ulemlaoch el kmo a Mesias a mo ouchais er a ungil chais. Monguiu er a Isaia 61:1, 2 e mosaod aika el ker:
-
Ngmilekera Jesus e otutii tia el ulaoch?
-
Omomdasu a rechad er chelechang te ousbech el mo rongesii a ungil chais?
5. A Jesus ullisechakl a meklou a ultutelel klemerang
A Jesus a dimlak di lomerk er a ungil chais el kirel a Rengedel a Dios, ngdirrek lullisechakl a tekoi el ngilsuterir a rechad. Molatk a bebil er ngii el ngar sel merael chisel Cheldechedechal er a Rois. Monguiu er a Mateus 6:14, 34 me a 7:12 e mosaod aika el ker:
-
Ngera el ulekrael a lebilsterir a Jesus el ngar er aika el bades?
-
Omomdasu aika el ulekrael, ngdirrek el sebechel ngosuterir a rechad er chelecha el taem?
6. A Jesus a mirruul ongasireng
A Jehovah milsa Jesus a klisichel el mo meruul ongasireng. A lsoam a ta er a olechotel e monguiu er a Markus 5:25-34 me a lechub e momes er a VIDEO. E a uriul e mosaod aika el ker.
-
Ngike el smecher el redil er a video ngera ngmle ulterekokl a rengul er ngii?
-
Ngera kmal soam er tia el ongasireng?
Monguiu er a Johanes 5:36 e mosaod er tia el ker:
-
A ongasireng el lurruul a Jesus ngera ‘ngulechotii’?
Ke medengei el kmo ngerang?
A omesodel a klengar er a Jesus a oumesingd el mengai er a kleua el babier er a Biblia lokedongall el Ebangkelio, el ngii a babier er a Mateus, Markus, Lukas, me a Johanes. Derta er tirka el milluches a uluuchais a kakerous el tekoi el kirel a Jesus. Aika sel dodak el rokui e ngochotii er kid a mle klengar er a Jesus er tia el chutem.
-
MATEUS
a lilechesii a babilengel el kot. Ngouchais aike el lullisechakl a Jesus, tokubets aike el lullisechakl el kirel a Rengedel a Dios.
-
MARKUS
a kot el kedeb a babilengel. Ngouchais er kid a meklou el tekoi el dilubech.
-
LUKAS
ochotii el kmo a nglunguuch a kmal mle klou a ultutelel er a Jesus e ouchais a ungil omerellel el mora redil.
-
JOHANES
ouchais er kid a betok el cheldechedechal a Jesus lobengterir a resechelil me a rebebil, el ngii ocholt a mle blekerdelel.
A REBEBIL A KMO: “A Jesus a mlei el mo osobel.”
-
Omomdasu e ngdi tiakid a uchul e a Jesus a mlei er tia el chutem?
SUMMARY
A Jesus ulemerk el kirel a Rengedel a Dios, mirruul ongasireng, e ullengesenges er a Jehovah er a bek el taem.
Review
-
Ngera sel kmal mle urerel a Jesus er tia el chutem?
-
A ongasireng lurruul a Jesus, ngera ngochotii?
-
Ngera ngullisechakl a Jesus el kmal ngilsuterir a rechad?
A LSEBECHEM E MOMES
A Jesus ngmle blechoel el mesaod er a ngerang?
“A Uldesuel a Jesus el Kirel—A Rengedel A Dios” (A Ongkerongel, October 1, 2014)
Molatk a uchul me ngsebeched loumerang el kmo a ongasireng lurruul a Jesus a mera el dilubech.
“A Ongasireng er a Jesus Ngera Sebechem el Suub?” (A Ongkerongel, November 1, 2004)
Monguiu el kmo ngera ngrirellii el mora ta el chad a kerebil a Jesus.
“My Life Was All About Me” (The Watchtower, October 1, 2014)
Momes el ngar er a blechebechel aike el lurruul a Jesus er a omesiungel.
a A 31-33 el suobel a mo komakai el mesaod er a Rengedel a Dios.
