20 EL SUOBEL

Rolel e a Ongdibel a Chelderoder

MORELII

Jehovah a chelderoder el Dios. (1 Korinth 14:33) Me a rechedal a chelderoder. Ngmekera longederoder er a ongdibel er a Rekristiano? E mekera sebeched el melisiich er tia el teletael?

1. Ngtecha bdelul ongdibel?

“Kristus [a] bdelul a eklesia.” (Efesus 5:23, BT) Ngngar er a eanged e omekrael er a rechedal a Jehovah er a beluulechad el rokir. Ngtiltkii a “blak a rengul e mellomes a rengul el mesiou,” el ngii a kekerei el cheldellel a remeketeketa el mechuodel el dirrek lokedongall el Governing Body. (Monguiu er a Mateus 24:45-47.) Ngdi ua rechapostol me a remechuodel er a Jerusalem er a taem er a rekot el Rekristiano, a Governing Body omsa ulekrael el mora rokui el ongdibel er a beluulechad el rokir. (Rellir 15:2) Me nguaisei engdi tirka el chad a diak el mengeteklel a cheldebechelam. Te melai a ulekrael er a Jehovah me a Tekingel, e chederedall er a Jesus el bdelul a ongdibel.

2. Ngtecha remechuodel e ngera te meruul?

A remechuodel a Rekristiano el sechal el tir olisechakl a Bades e omecheliu er a rechedal a Jehovah loeak sel lolengeseu e lolisiich er tir. Te diak el muduudel el kirel a urerir. Te bai “meral ngar ngii er a [rengrir el] mesiou.” (1 Petrus 5:1, 2) A remechuodel a ngar ngii a re ministerial servant lolengeseu er tir el cherengel a taem e te dirrek el sebechir el mo ta er a remechuodel.

A Governing Body a melutk er a rebebil er a remechuodel el mo circuit overseer. Tirka oldingel a betok el ongdibel el omesterir a ulekrael me a omelisiich. Te melutk er a remo mechuodel me a ministerial servant, sel lesa el kmo te oltirakl aike el ledu bades el kmo ngkirir a rudam el meruul el mo melai aika el ngerachel.—1 Timothy 3:1-10, 12; Titus 1:5-9.

3. Ngera ngerechelel a derta el Sioning?

A rokui el ngar er a ongdibel a ‘oldanges er a ngklel a RUBAK’ sel leteloi er a ongdibel me a berkel a klumech.—Monguiu er a Psalm 148:12, 13.

BOM DMOLECH EL MERRITER

Msuubii el kmo ngua ngera teletelel a lomekrael a Jesus, me a rolel e a remechuodel a melasem el oukerebai er ngii. Mdirrek el suubii a rolel e ngsebeched loureor lobengkel a Jesus me a remechuodel.

4. A Jesus a ungil a blekerdelel lomekrael

A Jesus a ngar ngii a kmal ungil ongtil. Monguiu er a Mateus 11:28-30 e mosaod er tia el ker:

Ngua ngera teletelel a lomekrael a Jesus, e ngera soal meruul er ngii el kired?

Te mekera remechuodel e oukerebai er a Jesus? Momes er a VIDEO.

VIDEO: Elders Respond to Nepal Earthquake (4:56)

A Biblia ouchais er kid er a rolel e a remechuodel a kirir el meruul a ngerechelir.

Monguiu er a Isaia 32:2 me a 1 Petrus 5:1-3 e mosaod aika el ker:

Ngmo uangera uldesuem sel modengei el kmo a remechuodel a ua Jesus el sorir el mengebekakl a berredir a rechad?
Ngera bebil er a rolel e a remechuodel oukerebai er a Jesus?

5. Remechuodel olisechakl loeak a kerebai er tir

A Jesus ngsoal a remechuodel a lebo el uangera osengir el kirel a ngerechelir? Momes er a VIDEO.

VIDEO: Elders Take the Lead! (7:39)

Jesus a kutmeklii a kerebai el kirel a domekrael er a ongdibel. Monguiu er a Mateus 23:8-12 e mosaod er tia el ker:

Ngera uldesuem el kirel aike el ledu Biblia el kmo ngkirir a remechuodel el meruul me aike el momes er a remengeteklel a klechelid?

Remechuodel a mesisiich a deleuill er tir me a Jehovah e olengeseu er a telungalek er tir el dirrek el mo uaisei
Remechuodel omekerreu er a ongdibel
Remechuodel a omerk er a klumech
Remechuodel olisechakl. Te dirrek el olengeseu el mengetmokl e meruul a lmuut el bebil er a ureor

6. Ngsebeched loureor lobengterir a remechuodel

A Biblia meskid a klou a ultutelel luchul me ngkired loureor lobengterir a remechuodel. Monguiu er a Hebru 13:17 e mosaod aika el ker:

Ngera uchul me a Biblia melekoi el kmo, dekengei el olengesenges er tirke el omekrael? Ngera uldesuem el kirel tiang?

Monguiu er a Lukas 16:10 e mosaod er tia el ker:

Ngera uchul me ngklou a ultutelel el doureor lobengterir a remechuodel el mo lmuut er aike el kora kmal mekekerei el tekoi?

A REBEBIL A KMO: “Ngdiak a ultutelel a bo dechedal a klechelid.”

Ngera klungiolel a bo leteloi a chad er a ongdibel el mengull er a Dios?

SUMMARY

Jesus a bdelul a ongdibel. Ngdmeu a rengud el loureor lobengterir a remechuodel el mesiou el ngar cheungel, e le te mengebekakl e olisechakl er kid loeak a kerebai er tir.