Ngngar ngii a betik er a rengum el mla mo smecher? Ngar tia el kmal meringel el taem e ke locha mo melatk: ‘Ngera duubech el mei er kid sel demad? Ngsebeched el lmuut el mo meseterir a rebetik er a rengud el mla mad?’ Ngar tia el suobel me sel ongingil, e molatk a nger er a Biblia el kirel, el kmal mengelaod er kid.

1. Ngera duubech el mo er kid sel demad?

Jesus ulemekesiu er a kodall el mo er sel lemechiuaiu a chad. A chad el kmal imiit a medal a diak lodengei a tekoi el duubech el iliuekl er ngii. Ngmekera kodall e ua sel lebechiuaiu a chad? A chad sel lemad e ngdiak lolechesuar a ringel. Alta ngkmal betik a rengul er a telungalek er ngii me a resechelil engdi ngdiak lolechesuar a ngerang. A Biblia kmo: “Rulekoad a diak a ngeral lodengei.”​—Monguiu er a Olisechakl 9:5.

2. Ngera me ngngosukid sel dodengelii a klemerang el kirir a rulekoad?

Rebetok el chad a medakt er a kodall e medakt er a rulekoad! Engdi ngsebechel mechelaod a rengum er aike el louchais a Biblia el kirir a rulekoad. A Jesus a dilu el kmo: “Klemerang a ngubetemiu el mo diak msibai.” (Johanes 8:32) A bebil klechelid olisechakl el kmo ngngar ngii a melemolem el ngar er a uriul er a lemad a chad, engdi tia diak lolisechakl er ngii a Biblia. A rechad sel lemad e te diak lechuarm. E tir a diak a ngerang lodengei me ngdiak el sebechir el melemall er kid. Me ngdiak a ultutelel doreng a rengrir me a lechub e dongull er a rulekoad me a lechub e doluluuch el kirir.

A rebebil a kmo ngsebechir el mengedecheduch er a rulekoad. Engdi tia diak el sebechel tekoi. Kede mla suubii el kmo a “rulekoad a diak a ngeral lodengei.” Tirke el lomdasu el kmo te mengedecheduch er a rulekoad a mengedecheduch er a remekngit el anghel el tir a pretend el kmo te rulekoad. Me sel bo dodengelii a klemerang el kirir a rulekoad e ngmekerreuid er a remekngit el anghel. A Jehovah mengelechel er kid me ngdiak dolasem el mengedecheduch er a rulekoad le ngmedengei el kmo a remekngit el anghel a sorir el melemall er kid.​—Monguiu er a Duteronomi 18:10-12.

3. Msuubii a klemerang el kirel sel demad

Ngkakerous a klaumerang er a rechad el kirel a duubech el mei er kid sel demad. Engdi aika diak el sebechel rokui el di klemerang.

• Ngera te oumerang a rechad er a beluam el kirir a rulekoad?

 4. Ngngosukid sel dodengelii a klemerang el kirel a kodall

Sel bo dodengelii a klemerang el kirel a kodall e ngmo diak demedakt er ngii. Monguiu er a Olisechakl 9:10 e mosaod er tia el ker:

• A rulekoad, ngsebechir el melemall er kid?

Klemerang er a Biblia el kirel a kodall sel bo doumerang er ngii e ngmo diak doumerang er a blulak el kmo ngkired el mereng a rengrir me a lechub e kede mengull er a rulekoad. Monguiu er a Levitikus 20:6 me a Ocholt 4:11 e mosaod er tia el ker:

• Omomdasu e ngera uldesuel a Jehovah el kirel a chad el mengull me a lechub e ngosiik a ngelsuil a chad el mla mad?

5. A klemerang el kirir a rulekoad a mengelaod er kid

A rebetok a mlosisechakl el kmo sel lemad, e te mo mukcharm el kirel a kngterir. Engdi ngmengelaod er kid sel dodengei el kmo a chad sel lemad e ngdiak lechuarm, mo lmuut er a chad el riruul a kmal mekngit el tekoi me ngdiak lechuarm. A Rom 6:7, NW a kmo: “Chad sel lemad e ngmesuld a kngtil.” Mosaod er tia el ker:

• A lsekum a Biblia kmo, a kodall a smuld a rokui el kngtil a chad, e a omomdasu a chad ngchuarm el kirel a kngtil er a lechad?

Sel lemukeroul a klemedengei er kid el kirel a Jehovah e ngdiak el sebeched loumerang el kmo ngomekcharm er a rulekoad. Monguiu er a Duteronomi 32:4 me a 1 Johanes 4:8 e mosaod aika el ker:

• A chouaisei a blekerdelel Dios el losaod er ngii aika el bades, ngmo omekcharm er a rulekoad?

• A klemerang el kirir a rulekoad, ngmengelaod er kau? Ngera uchul me ke melekoi el uaisei?

 SUMMARY

A chad a mekimd a klengar er ngii sel lemad. A rulekoad a diak lechuarm me a lechub el sebechir lomekcharm er a redingar.

Review

• Ngera duubech el mo er kid sel demad?

• Ngmekera ngosukid a klemerang el kirir a rulekoad?

• Ngmekera klemerang el kirir a rulekoad e mengelaod er kid?