44 EL SUOBEL
Ngodeuir a Rengul a Dios Aike el Le Celebrate a Rechad?
Jehovah soal a doldeu er a rengud er a klengar e celebrate a lebebil er a taem. Engdi a rokui el ungil klebesei me a holidays ngodeuir a rengul a Dios? Ngmekera dochotii a bltkil a rengud el mora Jehovah er a rolel aika el tekoi?
1. Ngera uchul me a betok er aike le celebrate a rechad a diak lodeuir a rengul a Jehovah?
Nglocha kmal mo mechas a rengum sel bo modengei el kmo a betok er aike el le celebrate a rechad omtok osisechakl er a Biblia me a lechub e ngmlara klsuul el klechelid. Nglocha chelsechusem er a remekngit el chelid me a lechub e ngmengai er a uldasu el kmo ngngar ngii a kmung ngerang el tobed er a bedenged sel demad e melemolem el ngar. A kuk bebil a mengai a uchetemel er a klsuul osisechakl me a lechub e ngklaumerang er a lusech. (Isaia 65:11) Jehovah melekoi er a remengull er ngii el kmo: “Mngeseklemiu . . . Lak mongesechusem er kemiu.”—2 Korinth 6:17. a
2. Ngera uldesuel a Jehovah el kirel aike el le celebrate el mengebkall er a rechad?
A Jehovah mengelechel er kid el kmo lak de “ultuil er a di chad.” (Monguiu er a Jeremia 17:5.) A bebil holidays a mengebkall er a remerreder er a beluu me a lechub e te soldau. A kuk bebil a celebrate er a sils el blo le independent a belurir me a lechub e ngokesiul a belurir el ua banderang. (1 Johanes 5:21, BT) E kuk ngar ngii aike el holidays el celebrate a cheldebechel er a balatiks me a lechub e ngkuk di cheldebechel er a beluu. Ngmo uangerang a uldesuel a Jehovah a lsekum kede mengebkall er a chad me a lechub e ngcheldebechel, tokubets a lsekum e ngmelisiich a uldasu el lomtok er a moktek er ngii?
3. Ngera el blekeradel a sebechel rullii a le celebrate er ngii a rechad el mo diak lekengei er ngii a Jehovah?
A Biblia ouketui a “di cheltelaol, e ngar a ulekeangel el omilil, ma omilil el omelim.” (1 Petrus 4:3) Ngar er a bebil lungil klebesei, e a rechad a diak loba ulserechakl el reng e meruul a deleboes el omeruul. A lsoad el melemolem el sechelil a Jehovah, e ngkired el choridid er a diak el klikiid el omeruul.
BOM DMOLECH EL MERRITER
Msuubii a rolel e ngsebechem el mo odeuir a rengul a Jehovah loeak omoruul a ungil omelilt el kirel a holidays me aike el lmuut el bebil el le celebrate a rechad.
4. Moltngakl a rolel a celebrate el oltuub er a Jehovah
Monguiu er a Efesus 5:10 e mosaod aika el ker:
-
Ngera kired el make sure er ngii sel dolilt el mo celebrate er a holiday?
-
Ngera kora meklou el holidays er a basio el mkiei er ngii?
-
Omomdasu aika el holidays ngodeuir a rengul a Jehovah?
El ua tiang, ngmla ta el molatk er a uldesuel a Dios el kirel a birthday? A Biblia kmal diak losaod er a remesiungel a Jehovah el meruul a birthday, engdi ngmesaod a teblo el birthday er a reteru el chad el dimlak losiou er ngii. Monguiu er a Genesis 40:20-22 me a Mateus 14:6-10. E a uriul e mosaod aika el ker:
-
Ngera lekaisisiu er ngii aika el teblo el birthday?
-
A doltirakl aika el teblo el cheldecheduch er a Biblia, e a omomdasu e ngngera uldesuel a Jehovah el kirel a birthdays?
Engdi ke locha mo melatk, ‘Jehovah ngmera el lomekerreu a lsekum ak mo teloi er a birthday me a lechub e ngkuk ta er a ungil klebesei el omtok osisechakl er a Biblia?’ Monguiu er a Exodus 32:1-8. E momes er a VIDEO e a uriul e mosaod aika el ker.
-
Ngera uchul me ngkired el mo medengei el kmo ngngera odeuir a rengul a Jehovah?
-
E mekera doruul er tiang?
Rolel a bo dodengei el kmo a tekoi el de celebrate er ngii a diak lodeuir a rengul a Dios
-
Ngmengai a uchetemel er a osisechakl el diak el mengai er a Biblia? Bo modengei el kmo ngulemuchel er ker.
-
Ngmengebkall er a rechad, cheldebechel, me a lechub ngtekoi lomtechei a beluu? Kid a mengebkall er a Jehovah el ngaruchei er a ngii di el ngerang, e oumerang er ngii el mo sumechokl a mondai er a beluulechad.
-
A tekoi el meketmokl er ngii ngomtok aike el lolekoi a Biblia? Ngkired el mo klikiid.
5. Mngesuterir a rechad el mo mengull er a klaumerang er kau
Ngkmal sebechel mo meringel sel lorrimel er kid a rebebil el mo celebrate a tekoi el diak lodeuir a rengul a Jehovah. Mosaod a omelilt er kau loba kllourreng me a omengull. A lsoam el mesa rolel e ngsebechem el meruul er tiang, e momes er a VIDEO.
Monguiu er a Mateus 7:12 e mosaod aika el ker:
-
A doltirakl er tia el bades, e ngungil el tekoi omdu er a rechedal a telungalek er kau el diak el ngar er a klemerang el kmo ngdiak el kirir el celebrate er a holiday?
-
Ngera sebechem el meruul lolterekokl a rengul a telungalek er kau el kmo alta ngmla mo diak em celebrate lobengterir engdi ngdirk betik a rengum er tir me tir a kmal mekreos er a rengum?
6. Jehovah soal a ledeu a rengud
Jehovah a soal a doldeu er a rengud lobengterir a resechelid me a telungalek er kid. Monguiu er a Olisechakl 8:15 e mosaod er tia el ker:
-
Ngmekera tia el bades e ochotii el kmo a Jehovah soal a bo ledeu a rengud?
Jehovah soal a rechedal a le have fun e ledak loldeu a rengrir. Momes er a VIDEO el mo mesa rolel e tia mocholt el ngar er aike el international convention er kid.
Monguiu er a Galatia 6:10 e mosaod aika el ker:
-
A bo “doruul a ungil” el mora rechad, e ngkired el celebrate a holidays?
-
Ngera el rolel a omerous a rullau el lmuut el mo dmeu a rengum? Kau el merous le komdasu el kmo ngngerechelem me a lechub e ke merous le ngkuk di soam el merous?
-
Te betok el Sioning a lebebil e te meruul a ileakl el taem el kirir a rengelekir e surprise er tir a bresent. A lsekum te ngar ngii a rengelekem, e ngera bebil er a ileakl el tekoi el sebechem el meruul el kirir?
A REBEBIL A KMO: “A uchelel a holiday a diak leklou a ultutelel. E ngbai sel taem el dongoit er ngii lobengterir a resechelid me a telungalek er kid.”
-
Ke mo dmu el kmo ngerang?
SUMMARY
Jehovah a soal a dongoit a taem lobengterir a resechelid me a telungalek er kid. Engdi ngdirrek el diak el soal a de celebrate a tekoi el diak lodeuir a rengul.
Review
-
Ngera el ker a sebechem loker el mo mesa el kmo a tekoi el bom celebrate er ngii ngodeuir a rengul a Jehovah me a lechub e ngdiak?
-
Ngmekera sebeched el ngosuterir a resechelid me a telungalek er kid el mo medengei a belkul omelilt er kid el kirel a holidays?
-
Ke mekera medengei el kmo a Jehovah soal a bo ledeu a rengud e de have fun?
A LSEBECHEM E MOMES
Morriter aike el holidays el Rekristiano kmal diak lebo le celebrate.
“Why Don’t Jehovah’s Witnesses Celebrate Certain Holidays?” (Suobel el ngar er a Internet)
Momes eua luchul me aki oumerang el kmo a birthday a kmal diak lodeuir a rengul a Dios.
“Why Don’t Jehovah’s Witnesses Celebrate Birthdays?” (Suobel el ngar er a Internet)
Momes er a rolel e a remekekerei el ngalek el betik a rengrir er a Jehovah sebechir lodeuir a rengul er a temel a holidays.
Rebetok el Kristiano mla ngiltii el diak le celebrate er a Kurismas. Ngua ngera uldesuir el kirel omelilt er tir?
“They Found Something Better” (The Watchtower, December 1, 2012)
a Momes er a 5 el Endnote el kmo ngngera sebechem el meruul er ngii er a chelsel aike el blekeradel el rechad a celebrate a holiday.
