48 EL SUOBEL
Bo Mungil Melilt er a Resechelim
Rungil sechelei a uchul a deuil a rengud sel lungil a blsechel a taem e melisiich er kid er a chelsel a meringel el taem. Engdi Biblia ouchais er kid el kmo ngdiak el rokui el chad a ungil sechelei. Me ngmekera sebeched el melilt er a rungil sechelei? Morriter aika el ker.
1. A rechad el molilt er tir el mo sechelim, ngngera te mo rullii el mo er kau?
Kede blechoel el mo chelutel er tirke el dongoit a taem el obengterir. Tia sebechel ungil me a lechub e ngmekngit el kired, e uaisei el kirir a rechad el dobengterir me a lechub tirke el sechelid er a social media. Ngua lolekoi a Biblia, “mosuub er a re mellomes a rengrir el chad me bo le mellomes a rengum. Cho mousechelei er a re mekebelung el chad [tirke el diak lebetik a rengrir er a Jehovah] e ke mo metemall.” (Osisechakl 13:20) A resechelei el betik a rengrir er a Jehovah e mengull er ngii, a sebechir el ngosukau el melemolem el kmeed er ngii e mo ungil melilt. Engdi a rekmeed el sechelei el ngar er a ikrel ongdibel a sebechir el mo uchul e kede oberius el mo cheroid er a Jehovah. Sei a uchul me a Biblia melisiich er kid el mo ungil melilt er a resechelid. A lsekum a resechelid a betik a rengrir er a Jehovah e ngmo uchul a klungioled me a klungiolir. Ngmo sebeched el ‘melemolem el kasisiich a rengud e kaingeseu.’—1 Thesalonika 5:11.
2. A rechad el molilt er tir el mo sechelim, ngngera te mo rullii el mora Jehovah?
A Jehovah kerekikl sel lolilt er a resechelil. “A RUBAK a ousechelei er tirkel meluu er ngii.” (Psalm 25:14) Ngmo uangerang a uldesuel a lsekum kede melilt er a resechelid el tir a diak el betik a rengrir er ngii? Ngkmal mo mekngit a rengul! (Monguiu er a Jakobus 4:4.) Engdi ngkmal mo dmeu a rengul, e ngiltid el mo sechelil sel doltngakl a mekngit el klausechelei e dolekeed er kid er ngii me tirke el betik a rengrir er ngii.—Psalm 15:1-4.
BOM DMOLECH EL MERRITER
Morriter er a uchul me a rechad el dolilt er tir el mo sechelid a kmal klou a ultutelel, e mesa rolel e ngsebechem el mak a klausechelei el ngii a rullii a klengar er kau el mo ungil.
3. Bom kerekikl er a mekngit el klausechelei
Rechad el diak lebetik a rengrir er a Jehovah me a llechul a mekngit el klausechelei. Momes er a VIDEO e mosaod er tia el ker.
-
Ngmekera sebeched el di diak dolechesuar e mo obengterir a rechad el mekngit el klausechelei?
Monguiu er a 1 Korinth 15:33 e mosaod aika el ker:
-
Ngua ngera el chad a mekngit el klausechelei el kirem? E ngerang?
Monguiu er a Psalm 119:63 e mosaod er tia el ker:
-
Ngera mo ochotii el kmo a chad a ungil sechelei me a lechub e ngdiak?
4. Rechad el kakerous er kid a sebechir el mo ungil el sechelid
A Biblia mesaod el kirel a David me a Jonathan, el teru el chad er a Israel er a irechar. Ngkmal mle klou a klekakerous er a rekrir me a klengar er tir. Engdi ngmla er ngii a mesisiich el klausechelei er tir. Monguiu er a 1 Samuel 18:1 e mosaod er tia el ker:
-
Ngmekera tia el bades e ochotii el kmo, ngdiak el di el tirke el osisiu a rekrir me a deruchellir er kid a sebechir el sechelid?
Monguiu er a Rom 1:11, 12 e mosaod er tia el ker:
-
Ngmekera rechad el betik a rengrir er a Jehovah e sebechir el kasisiich?
Ngar tia el video e mesa ngeasek el odam el metik er a sechelil er a basio el dimlak lolatk er ngii. Momes er a VIDEO e mosaod aika el ker.
-
Sel momes er a video, e ngera uchul me a rechad er a blil a Akil a kmal mle bekikl el kirel a resechelil er a skuul?
-
Ngera uchul me a Akil a mle soal tirka el sechelil er a uchelel?
-
Ngmilekera e mo mesisiich er a uldesuel el kmo ngdiak a resechelil?
5. Rolel a de uak a ungil klausechelei
Molatk er a rolel e ngsebechem el metik er a remera el ungil el sechelei me a rolel e kau a sebechem el mo ungil sechelei. Momes er a VIDEO.
Monguiu er a Osisechakl 18:24 me a 27:17 e mosaod aika el ker:
-
Ngmekera remera el ungil sechelei e kaingeseu?
-
Ngngar ngii a rungil sechelim el uaisei a blekerdelir? A lak, e ngmekera sebechem el mak a klausechelei er kau lobengterir a rechad el uaisei a blekerdelir?
Monguiu er a Filipi 2:4 e mosaod er tia el ker:
-
A lebo er ngii a rungil sechelim e ngkirem el mo ungil el sechelei. Ngmekera sebechem el meruul er tiang?
A REBEBIL A KMO: “Ngii di el friend a kuk ungil er a lak a sechelid.”
-
Ke mo dmu el kmo ngerang?
SUMMARY
Sel dungil melilt er a resechelid e kede odeuir a rengul a Jehovah, ngdirrek el mo uchul a klungioled.
Review
-
Ngera uchul me ngklou a ultutelel er a Jehovah a rechad el dolilt er tir el mo sechelid?
-
Ngua ngera el klausechelei a kired el mengeroid er kid er ngii?
-
Ngmekera sebechem el mak a mesisiich el klausechelei er kau lobengterir tirke el ungil sechelei?
A LSEBECHEM E MOMES
Mesa rolel e a remera el ungil sechelei a sebechir el ngosukid er a temel a ringel.
Momes aike el sebechem el meruul el mo mak a ungil klausechelei er kau.
Ngera ungil moruul er ngii el kirel a resechelim el online?
Ngar tia el cheldecheduch el “I Yearned for a Father,” e mesa el kmo ngera uchul me a ta el chad a liluut el mo melatk el kirel a resechelil.