57 EL SUOBEL
A Lsekum Ke Rullii a Oberaod el Klengit?
Alta ngkmal betik a rengum er a Jehovah e kmal melasem el diak moruul a tekoi el mo tomellii a rengul, engdi a lebebil e ke mo remuul a cheleuid. Me nguaisei engdi ngngar ngii aike el klengit el lmuut el oberaod. (1 Korinth 6:9, 10) A lsekum ke rullii oberaod el klengit e lak mobes el kmo a Jehovah kmal dirk betik a rengul er kau e soal lousubes er kau e ngosukau.
1. Ngera kired el meruul er ngii me denguu a klausubes er a Jehovah?
Tirke el betik a rengrir er a Jehovah a kmal mo mekngit a rengrir sel lodengei el kmo te mla rullii a oberaod el klengit. Engdi ngmechelaod a rengrir er a telbilel a Jehovah el mora rechedal: “A kngtim a lesal mo bekerkard, e ak mo ngotechau el mo beches el ua yuki.” (Isaia 1:18) A lsekum kede mera el obult, e a Jehovah mo ousubes er kid. Ngmekera dobult? Ngouuchel a rengud er a tekoi el derirellii e stob el meruul er ngii e olengit er a Jehovah me lousubes er kid. E meringel loureor el melodech a cheleuid el uldesued me a lechub e ngomerelled el uchul me kede rirebet er a klengit. E melasem el kiei loltirakl a klikiid el llechul a Jehovah.—Monguiu er a Isaia 55:6, 7.
2. Ngmekera Jehovah e ousbech er a remechuodel el olengeseu er kid sel derebet er a klengit?
A lsekum kede rullii oberaod el klengit a Jehovah dmu er kid me “[domekedong] er a re mechuodel er a ikelesia.” (Monguiu er a Jakobus 5:14, 15.) Tirka el mla metutk el chad a betik a rengrir er a Jehovah me a sib er ngii. Te mla mosisechakl er a rolel e ngsebechir el ngosukid el lmuut el sumechii a deleuill er kid me a Jehovah.—Galatia 6:1.
Te mekera remechuodel e ngosukid sel derellii a oberaod el klengit? Reterung me a lechub e te tedei el mechuodel a mo mesmechokl er kid lousbech a Bades. Te dirrek el mo meskid a ulekrael me a omelisiich el ngosukid me ngdiak deluut el mora klengit. Te locha mo dmu el kmo ngdiak el sebeched el meruul a bebil el tekoi er a ongdibel el telkib el taem el mo er sel deluut el mo mesisiich er a klereng. A remechuodel omekerreu er a ongdibel me te mo suldii a ngklel a chad el meruul oberaod el klengit e diak lekengei lobult.
BOM DMOLECH EL MERRITER
Mluut el dochelir omereng el saul er kau el kirel a rolel a Jehovah olengeseu er kid sel derellii oberaod el klengit.
3. Sel douchais a kngtid e ngngosukid el lmuut el mo ungil
Ngii di el klengit el deruul a tomellii a rengul a Jehovah me ngkired el louchais er ngii el kirel. Monguiu er a Psalm 32:1-5 e mosaod er tia el ker:
-
Ngera uchul me ngungil el kired sel douchais a kngtid er a Jehovah er a bai dolasem el omart?
Sel dosiik a ngelsuir a remechuodel er a uriul er a douchais a kngtid er a Jehovah e ngdirrek el rullid el mo ungil a rengud. Momes er a VIDEO e a uriul e mosaod er a ker.
-
Milekera remechuodel er a video e ngosuir a Canon el lmuut el mei er a Jehovah?
Ngkired el mo honest e ouchais a rokui el tekoi er a remechuodel. Tirka ngar ngii el lolengeseu er kid. Monguiu er a Jakobus 5:16 e mosaod er tia el ker:
-
Ngmekera e a bo de honest el mengedecheduch er a remechuodel e rullii el mo beot er tir a olengeseu er kid?
Mouchais a kngtim, bom honest el mora remechuodel, e mkengei er a ngesuil a Jehovah
4. Rolel omesuld el ngakl a ngeseu
A lsekum a chad el mla rullii oberaod el klengit a diak lekengei loltirakl a llechul a Jehovah e ngdiak el sebechel melemolem el chedal ongdibel. Ngmesuld a ngklel me kid a diak dobengkel me a lechub e dongedecheduch er ngii. Monguiu er a 1 Korinth 5:6, 11 me a 2 Johanes 9-11 e mosaod er tia el ker:
-
Ngdi ua omkukel a blauang el mkukii a blauang, ngngera ngrullii el mora ongdibel a lsekum kede obengkel a chad el diak lekengei lobult er a kngtil?
Rebetok er a remilsuld a ngklir a mla lmuut el mei er a ongdibel, e le alta omesmechokl el lengiluu a mle meringel engdi ngilsuterir el mo mesa el kmo a tekoi el lerirellii a diak el melemalt. (Psalm 141:5) Momes er a VIDEO e a uriul e mosaod er a ker.
-
Sel domes er a video e ngmilekera lemesuld a ngklel a Sonja e ngosuir?
Ngmekera omesuld el ngakl e . . .
-
mengebkall er a ngklel a Jehovah?
-
ochotii el kmo a Jehovah tabesul e olecholt er a bltikerreng?
5. Jehovah ousubes er kid sel dobult
Jesus uluusbech er a okesiu el ngosukid el mo medengelii a uldesuel a Jehovah el kirel a chad el obult. Monguiu er a Lukas 15:1-7 e mosaod er tia el ker:
-
Tiang ngera ngosisecheklii er kau el kirel a Jehovah?
Monguiu er a Esekiel 33:11 e mosaod er tia el ker:
-
Bulterreng nguldimukl er a ngera el kmal klou a ultutelel el tekoi?
A Jehovah di ua mengkerengel a sib el kmal omekerreu er a resib er ngii
A REBEBIL A KMO: “Ak medakt louchais a kngtik er a remechuodel le ngmo el mesuld a ngklek.”
-
Ngera ke mo dmu er a chad el uaisei a uldesuel?
SUMMARY
A lsekum kede rullii a oberaod el klengit engdi kede mera el ouuchel er a rengud el kirel e mla rullii er a rengud el mo diak doruul a mekngit, e a Jehovah mo ousubes er kid.
Review
-
Ngera uchul me ngungil el kired sel douchais a kngtid er a Jehovah?
-
Ngera kired el meruul me lemusubes a kngtid?
-
A lsekum kede rullii a oberaod el klengit e ngera uchul me ngkired lolengit a ngeso er a remechuodel?
A LSEBECHEM E MOMES
Mesa rolel e a ta el chad a ngiluu a klechubechub er a Jehovah el losaod er ngii a Isaia 1:18.
Ngmekera omesuld el ngakl e uchul a klungiolir a rokui el chad?
Msuubii a rolel e ngsebechem el smodii omesuld el ngakl el mora chad el diak el Sioning.
Ngar er a cheldecheduch el “I Needed to Return to Jehovah,” e mesa el kmo ngera uchul me a ta el chad el mlo cheroid er a klemerang ulemelechesiu el kmo a Jehovah liluut el mengurs er ngii el mei er a klemerang.
