1.  Ngtecha Kloul Babilon

2.  Ngdilum a Mesias er Oingerang?

3.  Rolel a Ukeruul el Ngar Ngii Omesodel a Rasech

4.  Ngmo Chacheroid a Bechiil el Sechal me a Redil

5.  Holidays me a Aike el Le Celebrate a Rechad

6.  Bekoiuiuul el Rakt

7.  Tekoi er a Siobai me a Tekoi er a Llach

 1. Ngtecha Kloul Babilon

Kede mekera medengei el kmo a “Kloul Babilon” a omtechei a rokui el klsuul klechelid? (Ocholt 17:5, BT) Ka molatk er tiang:

• Ngika debetik er ngii el meliuekl er a beluulechad el rokir e kmal active. A Biblia melekoi el kirel a Kloul Babilon el kmo ngdengchokl er bebul a “re chad, ma kakerous el bedengir a re chad.” Ng “mengedereder er a re king er a beluulchad.”​—Ocholt 17:15, 18.

• Ngdiak el sebechel lomtechei a tekoi er a balatiks me a siobai. “A re king er a beluulchad” me a “re chad er a omengereker” a diak bo lengemed lobengkel.​—Ocholt 18:9, 15.

• Ngika diak lemelemalt lomtechei er a Dios. Ngika okedongall el prostitute le ngomak a deleuill er ngii lobengkel aika el kabelment me lsebechel melai a udoud me aike el soal. (Ocholt 17:1, 2) Ngika mengeuid er a rechad er a rokui el renged. Ngdirrek el chelsechusem er a kodellir a rebetok el chad.​—Ocholt 18:23, 24.

Mluut el mora 13 el suobel er a 6

 2. Ngdilum a Mesias er Oingerang?

A Biblia ulemlaoch el kmo ngmo chuib a 483 el rak e a Mesias a duum.​—Monguiu er a Daniel 9:25.

• Ngulemuchel a 483 el rak er oingerang? Ngulemuchel er a 455 B.C.E. Tia sel taem el Kabernor Nehemia a mlora Jerusalem el ‘lmuut el meleketek’ er ngii.​—Daniel 9:25; Nehemia 2:1, 5-8.

• Ngmlo merek a 483 el rak er oingerang? A domuchel er a 455 B.C.E. e domechur el 483, e kede mora rak er a 29 C.E. a Tia sel rak el lemiltecholb a Jesus e lebo el Mesias!​—Lukas 3:1, 2, 21, 22.

Mluut el mora 15 el suobel er a 5

3. Rolel a Ukeruul el Ngar Ngii Omesodel a Rasech

 Ngar ngii a rolel a ukeruul lousbech a rsechel a chad. A bebil er ngii a ua donate a rasech me a lechub a chad a store a rsechel el kirel sel bo lousbech er ngii er a temel a botk. A Rekristiano kmal diak lekengei el mo meruul aikang.​—Duteronomi 15:23.

Me nguaisei engdi ngngar ngii a bebil er a ukeruul el diak el mekngit. Aika uldimukl er ngii a blood test, hemodialysis, hemodilution, me a lechub ngusbechel a cell-salvage machine me a lechub e ng heart-lung bypass machine. b A derta el Kristiano kirel melilt el kmo ngmekera bo lousbech a rsechel er a ukeruul el bo lolai er ngii, medical test, me a lechub e ng therapy loruul er ngii er chelechang. A derta el toktang a locha mo ngodech a rolel a loruul aika el tekoi. Me a uchei er a Kristiano lekengei er a botk, medical test, me a lechub e ng therapy e ngkirel mo medengelii a rolel e a toktang a mo ousbech a rsechel. Molatk aika el ker:

• Ak mo mekera a lsekum a rasech el tobed er a bedengek a mo stob a bochel el telkib el taem? Ak feel el kmo ngdirk part er a bedengek me a lechub e ngmo mengesang er a ukltkek me ngkirel “[mochubel] er a chutem”?​—Duteronomi 12:23, 24.

• Ak mo mekerang a lsekum a bebil er a rsechek a tobed er a bedengek, te modify er ngii (el ua omrachem er ngii er a kar), e nglmuut el soiseb er a bedengek? Ngoeak aike el bla ksuub er a Biblia, e tiang ngmo mengesang er a ukltkek me a lechub e ngsebechek el kongei er tia el rolel a ukeruul?

Mluut el mora 39 el suobel er a 3

4. Ngmo Chacheroid a Bechiil el Sechal me a Redil

 A Tekingel a Dios a diak lolisiich er a rebechiil el chad el mo chacheroid e bleketakl louchais el kmo tia diak el bsa llemeltel a sechal me a lechub e ngredil el lmuut el mo bechiil. (1 Korinth 7:10, 11) Engdi ngngar ngii a bebil blekeradel luchul me a Rekristiano melatk el mo cheroid er a becherir.

• Ngdiak el kengei el mesiou er a telungalek er ngii: Bechiil el sechal a diak el kengei el mesiou er a telungalek er ngii el mo er sel point el telungalek er ngii a diak lengai aike el lousbech er a bek el sils.​—1 Timothy 5:8.

• Mesisiich el omengelebed: Omengelebed el sebechel mo uchul a telemellel me a lechub e ngklengar er a chad.​—Galatia 5:19-21.

• Tomellii a deleuill er a chad me a Jehovah: Bechil a chad a rullii me ngdiak el sebechel mesiou er a Jehovah.​—Rellir 5:29.

Mluut el mora 42 el suobel er a 3

 5. Holidays me a Aike el Le Celebrate a Rechad

 Rekristiano diak leteloi a holidays el diak lodeuir a rengul a Jehovah. Engdi a derta el Kristiano kirel melilt el kmo ngmo mekerang el kirel a bebil blekeradel el duubech er a temel aika el holidays. Molatk a bebil er ngii.

• Chad outkeu er kau el lousbech er tia el holiday. Ngsebeched el di dmu el kmo, “Sulang.” A lsekum a chad a soal mo medengei a lmuut el betok, e ngsebechem el smodii el mo er ngii er a uchul e ngdiak em celebrate er ngii el holiday.

• A bechim el diak el Sioning er a Jehovah a invite er kau el mo omengur lobengkel a telungalek er ngii er a temel a holiday. A lsekum e ngdiak longesang er a ukltkem a obengkel, e ngsebechem el smodii el mo er ngii er a uchei er obong el kmo a lsekum ngngar ngii a telengtengil a holiday el bo loruul er ngii er tia el blengur, kau a diak bo mteloi er a tekoi el bo loruul er ngii.

• Merredelem a meskau a bonus er a temel a holidays. Ngkirem lotngeklii? Nglocha diak. A merredelem ngomes er tia el bonus el telengtengil a holiday, me a lechub ngkuk di omeskau le ngoba omereng el saul el kirel a ungil urerem?

• A chad a meskau a bresent er a temel a holidays. Ngike el meskau a bresent a locha mo kmo: “Ak medengei el kmo ngdiak em celebrate a holiday, engdi ngdi mle soak el meskau tiang.” Ngika el chad a locha di meruul a ungil. Engdi ngmekerang a lsekum ke omdasu el kmo ngmeruul el uaisei el melasem er a klaumerang er kau me a lechub e ngmeruul er kau el mo celebrate? Uriul er a omorriter er ngii, e ngkmal di ior er kau el mo kongei er a bresent me a lechub e ngdiak. Ngar er a rokui el omelilt er kid, e ngsoad a bo leklikiid a ukltked e melemolem loba blakerreng el mora Jehovah.​—Rellir 23:1.

Mluut el mora 44 el suobel er a 1

6. Bekoiuiuul el Rakt

 Bltkil a rengud el mora rechad a uchul me kede kerekikl me ngdiak doiuul a rakt el mo er tir. E uaisei a lsekum kede smecher er a bekoiuiuul el rakt me a lechub e kede omdasu el kmo kede locha obang a bekoiuiuul el rakt. Kede meruul el uaisei e le Biblia melekoi el kmo: “Bo le betik a rengum er a chad el ngar bitar kau.”​—Rom 13:8-10.

Ngmekera doltirakl er tia el bades? A chad el loba bekoiuiuul el rakt a kirel mengeroid er ngii er a rechad, e kmal diak bo lorreked er a chimal a chad, me a lechub e lomechull e lolungel er a medal. Ngdiak el kirel mo mekngit a uldesuel a lsekum a rechad a diak bo le invite er ngii el mora blirir le te protect er a telungalek er tir. E a uchei er a bo lemetecholb e ngkirel louchais er a tebechelel a chelechad er a remechuodel er a rektel me lsebechel kutmeklii a rolel e ngmetecholb, e a osisiu el taem e ng protect er tirke el bebil el dirrek el mo metecholb. E a uchei er a bo lomuchel el mengetut er a chad, e ngkirel kongei el volunteer el mo melai er a blood test a lsekum e ngmla mo obengterir a rechad el loba bekoiuiuul el rakt. Sel moruul el uaisei e ke ochotii el kmo komekerreu er a rebebil e “omes a ikel mo klungiolel a ta ma tang er a delongeliu e [diak] di momdasu er a di [kau].”​—Filipi 2:4.

Mluut el mora 56 el suobel er a 2

7. Tekoi er a Siobai me a Tekoi er a Llach

 Ngkmal sebeched el mochib er a mondai sel deluches a rokui el omesodel a rolel a tekoi er a udoud er a babier, mo lmuut me a lsekum e ngdelongeled kid me a ta er a Kristiano. (Jeremia 32:9-12) Nguaisei a lebebil e a Rekristiano mo er ngii er a delongelir a mekekerei el klekakerous er a uldasu er a tekoi er a udoud me a lechub e ngkuk ta er a tekoi. Ngkirir el mereched el sumechokl aikang el ngar er a budech el rolel, e kirel di delongelir.

Engdi ngmekera dosmechokl a oberaod el tekoi el ua blulak me a lechub e ngotuub? (Monguiu er a Mateus 18:15-17.) A Jesus a milskid a edei el tekoi:

1. Molasem el di delongeliu e sumecheklii.​—Momes er a 15 el kekerei el bades.

2. A lsekum e tia diak loureor, e molengit er a reteru el mla mukeroul er a klereng el chad er a ongdibel me lobengkem el mo mengedecheduch er ngii.​—Momes er a 16 el kekerei el bades.

3. A lsekum e ngdirk diak el sebechel mesmechokl, e seikid e ngmocha sebechem el mo mengedecheduch er a remechuodel.​—Momes er a 17 el kekerei el bades.

Me nguaisei ngdiak lungil a denguu a odam er kid el mora kort, le tia diak lungil sioning el kirel a Jehovah me a ongdibel. (1 Korinth 6:1-8) Me nguaisei engdi ngngar ngii a bebil el tekoi el kirel mesmechokl lokiu a llach: dertel a chebechiil, custody er a rengalek, alimony payments, claim er a insurance, tekoi er a bankruptcy, me a lechub e ng will er a chad. A Kristiano lousbech er a kort el meruul aika el tekoi el ngar er a rolel a budech a diak lolemall a ulekrael er a Biblia.

A lsekum e ngngar ngii a oberaod el delengerenger el omeruul el ua ulterebek, omelemall er a rengalek, tomellii a chad, klou el rechorech, me a lechub e ngmekodir a chad, e a Kristiano el report el mora rebulis a diak lolemall a ulekrael er a Biblia.

Mluut el mora 56 el suobel er a 3