Ngomuchel er chelecha el rak, e ngmo er ngii a klou el temed el mengetmokl er kid el kirel a Chedaol Belsoil er a kodellel a Kristus. A lsekum a Chedaol Belsoil a mo er ngii er a weekday, e ngmo diak sel miting er a Klengar er Kid a Rekristiano me a Omesiunged. E a lsekum ngkuk mo er ngii er a weekend, e ngmo diak a cheldecheduch el mo er a buai me a Omesubel a Ongkerongel. Me kau, ke mo ungil lousbech er tia el mla medechel temem er a schedule er kau? Ngar ngii a kirel meketmokl el kirel tia el klou a ultutelel el ongdibel el di ua taem er a rekot el Kristiano. (Lk 22:7-13; km 3/15 1) Engdi ngar ngii a bebil el tekoi el kired el meruul me bo lsebeched el ngmai a mui el klungioled er tia el ongdibel. Me ngmekera doruul er tiang?

• Molebedebek er a klungel a ultutelel a debo er tia el ongdibel.​—1Ko 11:23-26

• Moluluuch e molebedebek el kirel a deleuill er kau me a Jehovah.​—1Ko 11:27-29; 2Ko 13:5

• Monguiu e molebedebek aike el Bades el ngar er a suobel el mesaod er a belkul a Chedaol Belsoil.​—Jn 3:16; 15:13

A rebebil el publisher a menguiu e melebedebek aike el mla meketmokl el omengiuel a Biblia el kirel a Chedaol Belsoil el ngar sel Examining the Scriptures Daily el babier. E a rebebil a menguiu a bades el ngar tia el chart. Engdi rebebil a dirk omelekl aike el suobel el ngar er a Ongkerongel el mesaod er a Chedaol Belsoil me sel bltikerreng er a Jehovah me a Jesus el mlocholt el kired. Me a ngii di el rolel a omesuub el mngiltii, bo lsebechel rullau el lmuut el mo kmeed er a Jehovah me a Ngelekel.