MKIEI EL UA KLENGAR ER A REKRISTIANO
A “Chutem a Milekengii a Ngerel E Ngilelmii Tial Omoachel”
Ngar er a kakerous el taem er a reksi, e a remengedereder a mla ngosuterir a rechedal a Jehovah. (Esr 6:1-12; Ese 8:10-13) Ngme lmuut er chelecha el taem e kede mla mesa “chutem,” el omengedereder er a bebil er a beluu el oba ungil omerriter, el mla merekeklii a “omoachel” er a odechelakl el lulemekdubech er ngii a “drakon” el ngii a Satan el Diabelong. (Och 12:16) A Jehovah, el ngii a “Dios el olsobel” a sebechel ousbech er a remengedereder el mo ngosuterir a rechedal a lebebil er a taem.—Psa 68:20; Osi 21:1.
E kuk mekerang a lsekum e ke mlekelebus el klaumerang er kau a uchul? Lak mobes el kmo a Jehovah a ngellomel er kau. (Gen 39:21-23; Psa 105:17-20) E bo lulterekokl a rengum el kmo ngmo er ngii a omeksulem el klaumerang er kau a uchul, e a blakerreng er kau a melisiich er a rudam er kau er a beluulechad el rokir.—Fil 1:12-14; Och 2:10.
MOMES ER A VIDEO EL KOREAN BROTHERS RELEASED FROM PRISON, E MONGER AIKA EL KER:
-
Ngera uchul me a rebetok el telael el odam er kid a mlekelebus er a South Korea er aika el mereko el rak?
-
Ngera el llechul a kort a mlo uchul me a rebebil el rudam er kid a mle mereched el tuobed er a kelebus?
-
Ngmekerang e sebeched el ngosuterir a rudam er kid el meliuekl er a beluulechad el ngar er a kelebus el klaumerang er tir a uchul?
-
Ngmekerang a doldeu a rengud el ousbech a ilmekled er chelechang?
-
Ngtechang ngike el uchul me kede mlo mesisiich er aika el ultutakl er a kort?
Ngmekerang ak kuusbech er a ilmeklek?