Ngmla mo uangera klteketel el mongiil er a Rengedel a Dios el mei? Kau, ke mla melemolem el outekangel alta ke chelebangel a mondai? (Rom 8:25) A rebebil el Kristiano a chelebangel a klauketui, me a mekngit lomeruul, e mo kelebus, me a lechub e te mo ocherur a kodall. E a ruumesingd a outekangel a ringel el ua secher me a lechub a cheluodel.

Me ngera ngosukid el mo outekangel sel bo dechelebangel a ngii di el ringel? Ngkired el melemolem el melisiich er a klaumerang er kid lokiu sel donguiu er a Biblia er a bek el sils, e mo dmolech el melebedebek aike el donguiu, e kired el mo ultaut a osenged er a omeltked. (2Ko 4:16-18; Heb 12:2) Ngkired el olengit a ngeso er a Jehovah lokiu a nglunguuch me a klisichel a chedaol reng er ngii. (Lk 11:10, 13; Heb 5:7) Ngika el betik a rengul el Demad a sebechel ngosukid el mo ‘klou a rengud e outekangel er a rokui el tekoi el di ungil a rengud.’​—Kol 1:11.

MOMES ER A VIDEO EL WE MUST “RUN WITH ENDURANCE”​—BE CONFIDENT OF GAINING THE PRIZE, E MONGER AIKA EL KER:

• Ngera el “bkaischemrungel” el tekoi a sebechel duubech er a klengar? (Oli 9:11, NW)

• Ngmekera nglunguuch a lengesukid sel bo dechelebangel a ringel?

• Ngera me ngkirel lultaut a osenged er aike el sebeched el meruul a lsekum ngdiak el sebeched el remuul a betok el kirel a omesiunged el mora Jehovah el ua uchelel?

• Ngera ngosukau el mo melemolem lulterekokl a rengum el mo nguu a sengk?