MKIEI EL UA KLENGAR ER A REKRISTIANO
Lmuut el Mo Ungil a Duch er Kid el Ngar er a Omesiunged—Mterebengii a Omesubel a Biblia el Obengkel a Chad el Diak Lolengeriakl
A UCHUL ME NGKLOU A ULTUTELEL: Ngkirir a rechad el omekedong er a ngklel a Jehovah me bo lesobel. (Rom 10:13, 14) Engdi ngdiak el rokui el chad el kongei el mo mesuub er a Biblia a sorir el kiei el oltirakl a llechul a Jehovah. Kede mo ungil ousbech a temed el kirel a berkel a klumech lokiu sel dolengeseu er tirke el sorir el meruul a omelodech el mo odeuir a rengul a Jehovah. Me a lsekum a cherengel a taem el dosuub el obengkel a chad e ngdiak lolengeriakl, e nguchul a llomeserreng a deterebengii a omesuub, e bai dousbech a temed lolengeseu er tirke el Jehovah omekrael er tir el mo er ngii me a cheldebechelel. (Jn 6:44) Engdi lsekum e a ngar medal taem e ngmeruul a omelodech er a klengar er ngii, e mera el lochotii el kmo ngii a “rredemelel a diak a ulebengelel el klengar,” e kede lmuut el omuchel a omesubel a Biblia lobengkel.—Rel 13:48, NW.
ROLEL A MORUUL ER NGII:
-
Mchat er a chad el mesuub el soal el nguu a mera el klemedengei.—1Ti 2:4
-
Molisiich er a klungel a ultutelel a bo loltaut aike el bla lesuub.—Lk 6:46-49
-
Mo ungil el mesaod er a okesiu er a Jesus el kirel ngike el omriid a tane, e molengit er ngii me bo lolebedebek aike el uchul me ngdiak lolengeriakl.—Mt 13:18-23
-
Mo ungil smodii a uchul me ke merrob er a omesubiu
-
Mouchais er ngii el kmo ke mo omais el mo omes er ngii a lebebil er a taem el mo melisiich er ngii, e sebechiu el lmuut el mo mesuub a lsekum ngolengeriakl
MOMES ER A VIDEO E MONGER AIKA EL KER:
-
Ngera ke siluubii er a cheldecheduch er a delongelir tirke el terung el ochotii el kmo, ngike el mesuub a dimlak lolengeriakl?
-
Ngmilekera ngike el publisher, e ngosuir ngike el mesuub el mo medengei el kmo ngkirel meruul a omelodech er a klengar er ngii?
-
Ngmilekera ngike el publisher e ochotii el kmo, ngkongei el lmuut el mo mesuub lobengkel sel bo lekltmokl?