A Jehovah a childeroder a tekoi lurruul a rechad er a Israel, e meruul el uaisei el kirir a rechedal er chelechang me bo leketmeklii a moktek er ngii. Meliuekl er a beluulechad el rokir, e aike el branch office me a beluu el ngar cheungel, ongdibel me a group er a odingel, a dmak el oureor me bo el sebechel loberk a ungil chais. Kede omerk el mora rokui el chad, el uldimukl er tirke el melekoi a ngodech lomelekoi.​—Och 14:6, 7.

Ngmla ta el molatk a mesuub er a ta er a omelekoi el mo ngosuterir a rebebil el suubii a klemerang? Ngmo lmuut me a lak el sebechem el suubii a beches el omelekoi, engdi ngsebechem el suubii a kedeb el tekingem er a odingel, el ngar er a JW Language app. Sel mousbech er ngii el ngar omesiungem e ke locha mo ua uldesuir a Rekristiano er a irechar. Ngmlo dmeu a rengrir er sel taem el rechad er a ngodech el beluu a mlo mechas a rengrir el orrenges a “mengasireng el tekoi el bla leruul a Dios” el ngar omelekingir.​—Rel 2:7-11.

MOMES ER A VIDEO EL BECOME JEHOVAH’S FRIEND​—PREACH IN A FOREIGN LANGUAGE, E MONGER AIKA EL KER:

• Ngoingera el taem e ke locha mo ousbech er a JW Language app?

• Ngera bebil er a tekoi el sebeched el metik er tia el app?

• Ngera el omelekoi a sebechem el metik er a territory er kau?

• Ngkirem el mekerang a lsekum a chad el semeriar er a klumech er a Renged a ngodech omelekingel er kau?​—od-E 100-101 par. 39-41