Ngera uchul me ngkmal soad aika el meklou el ongdibel er kid? A meklou el ongdibel a di uaike el taem er a rechad er a Israel er a ngar er a mong, el meskid a techall el mo mengull er a Jehovah lobengterir a rebetok el kldemed er a klaumerang. Ngdmeu a rengud er a betok el kall er a klereng el dengai el olengeseu er kid el melemolem el kmeed er a Jehovah. Kede dirrek el mengreos er a taem el dedak lobengterir a resechelid me a telungalek er kid. Me ngsoad lochotii a klou el omereng el saul er kid, e mora aike el rokui el sils er a klou el ongdibel.

Me sel lebo er ngii a techelled el mo dmak, e lak di dolatk el kirel aike el mo uchul a klungioled, ngdirrek el soad el melatk a rolel e ngsebeched lolecholt er a bltikerreng el mora rebebil. (Gal 6:10; Heb 10:24, 25) Sel dorekedii a chesimer el kirel a odam me a lechub e ngodos e di de save aike el kingall el dousbech, e kede ochotii el kmo kede omes aike el mo klungiolir a rebebil. (Fil 2:3, 4) A meklou el ongdibel a dirrek el meskid a techall el mo omak a beches el klausechelei. Me ngsebeched el rullii a turrekong er kid el mo mengedecheduch er a chad el diak dodengelii, er a uchei me a uriul er a prokuram me a dirrek el temel a sueleb. (2Ko 6:13) Aike el klausechelei el mouak a sebechel melemolem el mo cherechar! E a ngaruchei er ngii, a rechad sel lomes er kid lolecholt er a mera el bltikerreng e nglocha mo sorir el me teloi er kid el mesiou er a Jehovah.​—Jn 13:35.

MOMES ER A VIDEO EL “LOVE NEVER FAILS”! INTERNATIONAL CONVENTIONS, E MONGER AIKA EL KER:

• Ngmilekera bltikerreng e mocholt el mo er tirke el delegate er a 2019 international convention?

• Ngera uchul me ngkmal ileakl a kltarreng me a bltikerreng el mocholt er a delongelir a rechedal a Dios?

• Ngera lolechotel a bltikerreng er a Klekristiano a lullisiich a Chelechad er a Ruungerachel?

• Ngmekera bltikerreng er a Klekristiano e uchul a kltarreng er a rudam el ngar er a Dois me a dirrek el South Korea?

• Ngkired el rullii a rengud el mo mekerang?