Kede kiei er a beluulechad el lomes a ungil el kmo ngmekngit, e a mekngit a ungil. (Isa 5:20) Ngklengiterreng e le rebebil er a rechad a meruul a tekoi el ouketui a Jehovah, aika uldimukl er a mekikiongel lomeruul er a delongelel a sechal me a sechal me a redil me a redil. A rengalek ledak el ngar er a skuul me a lechub e te rebebil a locha mo melasem el mengesuseu er tir el mo oltirakl er tir. Ke mekera kutmeklterir a rengelekem el mo mesisiich er a chouaika el omeasem?

Ruungalek, mosisecheklterir a rengelekiu a llechul a Jehovah. (Lev 18:3) Mokekokau el osisecheklterir aike el lolekoi a Biblia el kirel a durs er a chebechiil. Aike el mouchais er tir bo loltirakl a rekrir e loltirakl a tekoi el sebechir el otekau. (Dut 6:7) Di lekau el oker el kmo: ‘Ngak ak mla osisecheklterir a rengelekek er a melemalt el rolel a de kaiuechull me a de ketungelmad, klungel a ultutelel a doubail a tabesul el bail, me a klungel a ultutelel a dongull er a privacy er a rechad? A rengelekek, te medengei a kirir el meruul a lsekum a chad a melasem lolecholt er tir a siasing er a remeau me a lechub e ngolengit er tir el mo meruul er a tekoi el diak lungil er a osengel a Jehovah?’ A lsekum e kede osisecheklterir er a uchei, e ngsebeched el ngosuterir el mochib er a tellemall. (Osi 27:12; Oli 7:12) Sel mosisecheklterir e ke ochotii el kmo, ngbetik a rengum er tirka el mekreos el sengk el mlara Jehovah.​—Psa 127:3.

MOMES ER A VIDEO EL BUILD A HOUSE THAT WILL ENDURE​—SAFEGUARD YOUR CHILDREN FROM “WHAT IS EVIL,” E MONGER AIKA EL KER:

• Ngera uchul me a rebebil a omai er a rengrir a olisechakl er a rengelekir el kirel a durs er a chebechiil?

• Ngera uchul me a ruungalek a kirir lolisechakl er a rengelekir lolab “omellach ma osisechakl er a Rubak”?​—Efe 6:4

• Ngera ngmla kutmokl a cheldebechelel a Jehovah el mo olengeseu er a ruungalek el osisecheklterir a rengelekir el kirel a durs er a chebechiil?​—w19.05 12, baks

• Ngera uchul me ngungil a oblechoel mengedecheduch er a rengelekem er a uchei er a leduubech a mondai?