A Tekingel a Dios a sebechel ngmodech a klengar er kid. (Heb 4:12) Me nguaisei engdi ngkirel mo ulterekokl a rengud el kmo ngmera el “tekingel a Dios” e seikid e ngmo sebeched el ngmai a klungioled er a ulekrael me a omellach er ngii. (1Th 2:13) Ngmekera desisichii a klaumerang er kid er a Biblia?

Monguiu er a telkib er a Biblia er a bek el sils. Sel monguiu e mosiik aike el lolechotel a kmo, a Biblia mera el tekingel a Jehovah. El ua tiang, morriter aike el ulekrael el debetik er a babier er a Osisechakl e molatk er a rolel e ngsebechel ngosukid er a klengar er kid er a bek el sils.​—Osi 13:20; 14:30.

Mrellii a project er kau er omesuub. Bo mungil medengei aike el lochotii el kmo a Biblia mera el mlukreng er a Dios. Ngar er a Research Guide for Jehovah’s Witnesses, e momes er cheungel a “The Bible” e bora “Inspired by God.” Ngdirrek el sebechem el smisichii a klaumerang er kau el kmo a klumech er a Biblia dirkak el mengodech loeak sel monguiu er a Ongkerongel er a July 2016.

MOMES ER A VIDEO EL WHY WE HAVE FAITH IN . . . GOD’S WORD, E MONGER AIKA EL KER:

• Ngmekera tekoi el lebiltik er ngii er a cheotelel a templo el ngar er a Karnak, Ekipten e omeketakl el kmo a Tekingel a Dios a klemerang?

  Nger

• Kede mekera medengei el kmo a klumech er a Biblia dirkak el mengodech?

  Nger

• A Biblia el dirk ngar ngii er chelecha el taem e ngmekera ochotii el kmo ngmera el Tekingel a Dios? ​—Monguiu er a Isaia 40:8

  Nger