A September e kede mo meringel el oureor el offer a omesubel a Biblia er a bek el blai lousbech er a Mkiei el Mo Cherechar! el brochure. A re publisher a sebechir el melilt el mo auxiliary pioneer el 30 el sikang. Ngmekera bo doruul er tia el ileakl el ureor?

• Sel Ketenged el Mengedecheduch er a Chad: Mousbech er sel ulebongel el llel a brochure el omeksemeriar er a chad e molasem el ochotii a rolel a dosuub a Biblia. Molatk er tirke el ullecholt a klemeriarreng er a ngar er a mong, el uldimukl er a re return visit. Mo lmuut me a lsekum e te mle kotouar omesubel a Biblia er a ngar er a mong, me nguaisei engdi te locha mo sorir tia el beches el brochure me a beches el rolel omesuub. Ngdiak domechei er a brochure er aike el blai el diak a chad er ngii me a lechub e doldurokl loeak a post el mora rechad el dirkak lochotii a klemeriarreng. A Chelechad er a Rudam el Oungerachel er a Berkel a Klumech a sebechir el meruul a lmuut el bebil er a miting er a odingel er tia el buil.

• Lmuut el Bebil er a Techall: A lsekum a ongdibel er kau ousbech a cart el omerk er a klumech em display er a Mkiei el Mo Cherechar! el brochure. Mouchais er tirke el ochotii a klemeriarreng el kmo tia el brochure a obengkel a di tada el omesubel a Biblia. Em kedeb lochotii a rolel a dosuub a Biblia me a lechub e mtibir el mo meruul er ngii er a uriul el taem. A odam el oungerachel a tekoi er a odingel a obliil a locha mo tutketerir a remeduch el publisher el mo oldingel a basio er a siobai er a territory el mo offer omesubel a Biblia. Ngdirrek el sebechem el meruul el uaisei el mora rechad el mdak loureor me a lechub te rechad el mongedecheduch er tir sel obora beluu.

A Jesus a dilu er kid el mo ‘meruul er [a rechad] el mo obengkel’ e mo ‘olisechakl er tir.’ (Mt 28:19, 20) Ngurunguled el kmo tia el ileakl el ureor a mo ngosukid el kutmeklii tiang lousbech er a Mkiei el Mo Cherechar!