A Biblia llechukl er ngii a betok el nglunguuch el lulenger a Jehovah. A remesiungel a Dios er a lomtab a rolel e a Jehovah ulerrenges a sebekreng er tir e olengeseu er tir e nglocha kmal millisiich er a klaumerang er tir. Me ngkmal kired el mo bleketakl e komakai a nglunguched e mo melasem el omtab a rolel e a Jehovah onger. Lak mobes el kmo a nger er ngii a locha mo ngodech me a lechub e ngengelakl er sel domdasu er ngii. (2Ko 12:7-9; Efe 3:20) Ngngera ngmo meruul a Jehovah el onger a nglunguched?

• Meskid a klisichel a bedenged, budech, me a lechub e ngklaumerang el mo outekangel er a mondai.​—Fil 4:13, NW

• Llomeserreng el mo ungil melilt.​—Jak 1:5

• Meskid a urunguled me a klisiich el mo meruul er a tekoi.​—Fil 2:13

• Budech sel bo lesebek a rengud.​—Fil 4:6, 7

• Ngelsurir a rebebil er aike el dousbech er a klechad me a dirrek el kirel ongelaod me a omelisiich.​—1Jn 3:17, 18

• Ngeso el mo er tirke el doluluuch el kirir.​—Rel 12:5, 11

MOMES ER A VIDEO EL JEHOVAH IS THE “HEARER OF PRAYER,” E MONGER AIKA EL KER:

• Ngmekera experience er a odam el Shimizu e melisiich er kid a lsekum e ngdiak el sebeched el meruul a betok le ngsecherel a bedenged a uchul?

• Ngmekera sebeched loukerebai er a odam el Shimizu?