Kede mo ungil lousbech a klisichel a bedenged sel doruul a turrekong er kid er a klereng. (1Ko 9:26) Turrekong er kid a ngosukid el mo ungil lousbech er a taem el medechel er uchei er a lemei a ulebongel. (Efe 5:15, 16) Kau, ngsebechem el meruul a turrekong el kirel a beches el rak er a omesiou er a temel omengull el telungalek er kau? Tia el subeled er a miting a ngar ngii a suobel er ngii el mesaod a bebil er a turrekong el sebechem el melatk e meluluuch el kirel.​—Jak 1:5.

El ua tiang, ngoeak a ngelsurir a rokui el chedal a telungalek er kau, e ngsebechel a ta er kemiu el mo regular pioneer? A lsekum komdasu el kmo nglocha diak el sebechem el remuul a temem e mongedecheduch er a rebebil er a pioneer el tir a chelebangel a blekeradel el mosisiu er ngii. (Osi 15:22) Nglocha sebechem el interview er a ta er a pioneer er a temel omengull el telungalek er kemiu. E mluches a sebechel el mo schedule er kau. A lsekum e ke mle pioneer er a ngar er a mong e molatk el kmo a blekerdelel a klengar er kau er chelechang ngkongei er kau el lmuut el mo pioneer.

A rebebil chedal a telungalek er kau, ngsebechir el auxiliary pioneer el tang me a lechub e nglmuut el betok el buil? A lsekum e ngdiak lemesisiich a bedengem e nglocha sebechem el auxiliary pioneer loeak omongoit a sesei el taem er a bek el sils el oldingel. A lsekum e ngdiak el klou a temem loldingel sel weekdays le ke oureor me a lechub e ke ngar er a skuul, e nglocha sebechem el pioneer er aike el buil lou holiday me a lechub e ngeim a weekend er ngii. Mlechesii er a kalender sel buil el molatk el mo auxiliary pioneer e mlechesii a schedule er kau.​—Osi 21:5.

MOMES ER A VIDEO EL BE A COURAGEOUS . . . PIONEER, E MONGER TIA EL KER:

• Ngera ngosisecheklii er kid a experience er a odos el Aamand el kirel a ulekerreuil a Jehovah el mo er tirke el ngiltii el mo pioneer?