Jehovah soal a telungalek a bo ledeu a rengrir. (Psa 127:3-5; Oli 9:9; 11:9) Me nguaisei engdi ngsebeched loridii a deurreng er kid e le ika el stress er tia el beluulechad me a cheleuid el omerellir a rechedal a telungalek er kid. Ngera sebechel a derta el chedal a telungalek el meruul el dochelir a deurreng er a chelsel a telungalek?

A bechiil el sechal a mengull er a bechil. (1Pe 3:7) Ngmengoit a taem lobengkel. Ngtabesul a tekoi longerechir er ngii, e ochotii omereng el saul er ngii el kirel aike el loruul el kirel me a telungalek er tir. (Kol 3:15) Ngouchais a bltkil a rengul el mo er ngii e chemat er ngii.​—Osi 31:28, 31.

A bechiil el redil osiik a rolel e ngsebechel support er a bechil. (Osi 31:12) Ngchederedall er ngii, e tang ngii me a bechil. (Kol 3:18, BT) Ngungil mengedecheduch er ngii e melekoi a ungil el kirel.​—Osi 31:26.

A ruungalek a mesterir a rengelekir a temir. (Dut 6:6, 7) Te ouchais er a rengelekir el kmo ngbetik a rengrir er tir. (Mt 3:17) E sel losmechokl er tir, e te olecholt er a bltikerreng me a sekutaberreng.​—Efe 6:4.

A rengalek a mengull er a rechad er a blirir. (Osi 23:22) Te ouchais er tir aike el ngar er a uldesuir me a rengrir. Te kongei omesmechokl er tir e ochotii omengull el mo er tir.​—Osi 19:20.

MOMES ER A VIDEO EL CULTIVATE JOY IN YOUR FAMILY, E MONGER ER TIA EL KER:

Ngera te mirruul a derta el chedal a telungalek el mekurulii a deurreng er a chelsel a telungalek?