A UCHUL ME NGKLOU A ULTUTELEL: A omesubed er a Tekingel a Dios el di kid el tang a ngosukid el mo medengelii a “klemengetel, ma kldidiul, ma delechel” a klemerang. (Efe 3:18) Ngdirrek el ngosukid el mo diak demotelechakl e mo diak dechelsechusem er a ngii di el kngtil tia el mekngit el beluulechad e mo “misisiich loreked a Tekoi ra klengar.” (Fil. 2:15, 16, BT) Tiang a meskid a techelled el mo melilt a suobel el dousbech. Me ngmekerang a bo dengai a mui el klungioled er a omengiued me a omesubed er a Biblia?

ROLEL A MORUUL ER NGII:

• Mlecha olengchelem er a bades e moluches a notes er a Biblia er kau me a lechub e ng electronic device er kau

• Di lekau el oker er kau aika el ker sel monguiu er a Tekingel a Dios: ‘Ngtechang? Ngerang? Ngoingerang? Ngar ker? Ngera uchul? Ngmekerang?’

• Bo modengei a klemerang el tekoi. Mousbech a dongu el dousbech el meruul a research, e mosiik a suobel me a lechub e ngbades er a Biblia

• Molebedebek aike el monguiu me bo mesa rolel aike el tekoi a sebechel el ngosukau

• Moltaut aike el mosuub er a klengar er a kau er a bek el sils.​—Lk. 6:47, 48

MOMES ER A VIDEO EL KEEP “A TIGHT GRIP”​—THROUGH EFFECTIVE PERSONAL STUDY, E MONGER AIKA EL KER:

• Te mekera rebebil a losaod er a omesubir el di tir el tang?

• Ngera uchul me ngkired el omuchel er a omesubed el di kid el tang loeak a nglunguuch?

• Ngera sebechel ngosukid el lmuut el mo ungil medengelii a cheldecheduch er a Biblia?

• Ngera el tekoi a sebeched el remuul er a Biblia er kid?

• Ngera uchul me ngkmal klou a ultutelel a dolebedebek sel dosuub er a Tekingel a Dios?

• Kede mo mekerang el kirel aike el tekoi el dosuub?