A uchei er a doruul a omelilt er kid, el meklou me a mekekerei, e kede melatk el kmo, ‘Ngmo uangera uldesuel a Jehovah?’ Alta ngdiak el sebeched el mo medengei a rokui el tekoi el kirel a uldesuel a Jehovah, engdi ngmeketakl a ungil a ildisel el uldesuel el ngar er a Tekingel el kutmeklid el kirel a “bek el ungil ureor.” (2Ti 3:16, 17; Rom 11:33, 34) A Jesus a mle ungil omtab a soal a Jehovah e rirellii el mo kot el klou a ultutelel el tekoi er a klengar er ngii. (Jn 4:34) Me bo doukerebai er a Jesus, e debo er a tkurrebab el sebeched el meruul a omelilt el odeuir a rengul a Jehovah.​—Jn 8:28, 29; Efe 5:15-17.

MOMES ER A VIDEO EL KEEP PERCEIVING JEHOVAH’S WILL (LEV 19:18), E MONGER AIKA EL KER:

• Ngera uchul me ngkired el oltaut a omellach er a Biblia er a klengar er kid?

• Ngera el omellach er a Biblia a ngar ngii a lerellii er a omelilt er kid el kirel a ongngak el dorrenges?

• Ngera el omellach er a Biblia a ngar ngii a lerellii er a omelilt er kid er a biled me a rolel a omengetmekled?

• Ngera el tekoi er a klengar er kid a kired el oltaut a omellach er a Biblia er ngii?

• Ngmekera deluut el mo ungil el medengei el kmo ngera soal a Jehovah a doruul?