• Mousbech er a address er kau. A lsekum komdasu el kmo ngdiak lolechotel a llomeserreng a omousbech er a address er kau, e ngsebechem lousbech er a address er a Blil a Ongdibel a lsekum te kongei a remechuodel. Engdi ngkmal DIAK el kirem lousbech er a address er a obis er a Resioning er a Jehovah.

• Mousbech er a ngklel a chad a lsekum ke medengelii. Tiang a rulleterir me te diak bo lomdasu el kmo ngbabier el kirel a oterullel a klalo.

• Bo mungil mes a spelling, me a grammar, me a punctuation. A babier a kirel kmal lungil kltmokl, e a lsekum ke milluches er ngii e ngkirel beot el mechuiu. Ngdirrek a tekoi el mousbech a diak el kirel terrekakl me a lechub e kuk lesal tokubets.

Tia el olechotel a omeluches el babier a dirrek el uldimukl er aike el dulsaod er a uchelel. Ngdiak el kirem el ousbech a osisiu el tekoi er a bek el taem el bo moluches a babier el mora rechad el ngar er a territory er kau. Mngedechii a babilengem el mo oltirakl er a moktek er kau, me a blekeradel er a beluam, me a siukang.