A visual aids a rullii a chad el mo omtab e olengeseu er ngii el mo ungil medengei e diak lobes aike el lesiluub. E a Ngarbab el Sensei er kid el Jehovah uluusbech a visual aids el mo olisechakl a meklou a ultutelel el suobel. (Gen 15:5; Jer 18:1-6) A Jesus el Ungil Sensei me ngdirrek el mirruul el uaisei. (Mt 18:2-6; 22:19-21) A ta er a visual aid el mla obeketakl el kmo ngkmal lungil a usbechellel er aika el mereko el rak a video. Me kau, kungil lousbech a video sel molisechakl er tirke el mesuub lobengkem?

Aike el teruich el video a mileketmokl el mo olengeseu er kid lolisechakl aike el suobel el ngar er a Ungil Chais el Mla er a Dios! el babier. A derta el dai er a video a mesaod er a ta er aike el smiich el ker el debetik er ngii el babier. A digital version er tia el babier el ngar er a jw.org a ouchais er kid el kmo ngoingerang e kede olecholt a derta er ngii el video. Ngdirrek, a bebil el video a mesaod a suobel el ngar er a kakerous el babilenged el ngar er a Blil a Dongu el Kirel a Osisechakl.

Kau, ke mesaod a tekoi er a Biblia el meringel er a chad el mesuub lobengkem el mo medengei? Me a lechub, ngchelebangel er a ta er a meringel tekoi? Mosiik a video er a jw.org® me a JW Broadcasting® el mo ngosuir. E locha sebechem kau me ngii el lomes er a ta er ngii el video e mesaod er ngii.

Ngbek el buil el motobed a beches el video. Me sel momes, e molebedebek er a rolel e ngsebechem lousbech sel molisechakl er a rechad.