Bek el rak e ngblak a rengud el mengemedaol er a rechad el ngar a territory el me obengked el mengedaol er a Chedaol Belsoil. Oumesingd er tir a diak dekaodengei. Ngdirrek el kired el mengemedaol er a rechad el dekaodengei. A rechad el nguu a invitation er a rechad el lodengelterir a blechoel el mei. (yb08-E 11 par. 3; 14 par. 1) Te rua techang a bebil el sebechem el invite er tir?

• Rechedam

• Rechad er a urerem me tirke el mdak el skuul

• Retonari er kau

• Tirke el semeriar me a remilsuub er a uchei me a remesuub lobengkem er chelechang

A remechuodel a dirrek el mo invite er tirke el mla mo diak el oldingel a obliil. E mekerang a lsekum a chad el modengelii a diak el kiei er a beluam? Ngsebechem el sikii a taem me a basio el lebo er ngii a Chedaol Belsoil er sel lekiei er ngii lokiu sel obetir a CHELDEBECHELAM el ngar a bebul a jw.org home page, e mngiltii a “Chedaol Belsoil.” Me sel mongetmokl er kau el kirel tia el taem er chelecha el rak, e molatk er tirke el sebechem el mengemedaol er tir, e moutekangel el mo mengemedaol er tir.