A ulebongel el taem el Jesus a mirruul er a Baskua a mle Ileakl. Ngika tilbir el mo meruul er a Baskua lobengterir a rechapostol er ngii e kutmeklii a Chedaol Belsoil er a Rubak el bo loruul er ngii er a bek el rak, e le ngmle kmedu el mo okodall. Me ngulderechii a Petrus me a Johanes el mo kutmeklii a delemerab el bo lousbech er ngii. (Lk 22:7-13; momes er a siasing er a medal tia el babier.) Tia omeklatk er kid el kmo, ngkired el mengetmokl er kid el kirel a Chedaol Belsoil er a March 27. A ongdibel a locha mla kutmokl a tekoi el kirel a Chedaol Belsoil el uai a odam el moltobed er a cheldecheduch, klekedall er a Chedaol Belsoil, me a lmuut el bebil. Me nguaisei, engdi ngngera sebechel a derta er kid el meruul el mengetmokl er kid el kirel a Chedaol Belsoil?

Mketmeklii a rengum. Monguiu e molebedebek er a omengiuel a Biblia el kirel a Chedaol Belsoil. Ngsebechem el metik er a schedule er a omengiuel a Biblia er a Examining the Scriptures Daily. Ngsebechem el metik er a lmuut el komakai el schedule el ngar er a Appendix B12 er a New World Translation of the Holy Scriptures. (Ngdirrek el sebechem el omes er a Subeled er a Miting er a Klengar er Kid me a Omesiunged er a April 2020.) A derta el telungalek a sebechir lomes er a Watch Tower Publications Index me a lechub e ng Research Guide for Jehovah’s Witnesses el kirel a suobel el mesaod er a klungel a ultutelel a olubet el sebechir el mo mesuub el kirel er a temel a omengull el telungalek.

Invite er a rebebil el mei er a Chedaol Belsoil. Bo mui el teloi er a omerusel a invitation. Molatk er tirke el sebechem el invite er tir, el ua tirke el mle return visit er kau, mdilak el mesuub, chad el mkaodengei, me a rechedam. A remechuodel a dirrek el kmal kirir el kerekikl el mo invite er tirke el mla mo inactive. E bo modengei el kmo a lsekum a chad a diak lekiei er a basio el omngar ngii, e ngsebechem el mora jw.org e metir a CHELDEBECHELAM e metir a “Chedaol Belsoil” e mo medengelii a taem me a basio er a Chedaol Belsoil er a belual.

Ngera dirrek el sebeched el meruul el mengetmokl er kid el kirel a Chedaol Belsoil?