Ngkmal mla mo betok a telemellel a beluu er chelecha el taem. Sel leduubech, e ngkirel ungil chelderoder a rolel a dolengeseu. Sei a uchul me a Governing Body mla omekngerachel a bek el branch office el mo kutmeklii a department el kirel a Ureor Lolengeseu a Beluu el Miltemall.

A rudam el ngar cheungel tia el department sel bo lodengei el kmo ngmla duubech a tellemall er a beluu, e te di mereched el contact er a remechuodel er ngii el mo medengei el kmo ngera tousbech a rudam me a rudos. A lsekum a tellemall a kmal klou me ngdiak el sebechir a re publisher el di tir el kutmokl, e a branch a mo omekngerachel er a rudam el mo omekrael er a ureor el olengeseu er tir. Tirka el rudam a locha mo olengit er a re volunteers me a lechub e ngileakl el klalo el lousbech, me a lechub e te di mo tir el mechar e merous a klalo el usbechall.

Ngbetok a klungiolel a doruul a tekoi el ngar tia el rolel. Nguchul me ngdiak bo doruul a ureor el diak a ultutelel, e diak lebo er ngii a rraurreng, me a lechub e de waste a udoud me a klekedall, el ngii a sebechel aika el tekoi el duubech a lsekum a rudam a di tir el meruul a tekoi.

A rudam el metutk er a branch a mo omes el kmo ngtela ludoud me a retela el volunteers a usbechall el kirel a ureor. Ngdirrek el sebechir el mo ungil medengelterir a rullab a dereder er a beluu me lsebechel a ureor lolengeseu el mereched el meketmokl. Me a rechad lak el collect a udoud, loldurokl a klalo, me a lechub e lebora beluu lousbech a ngeso a lsekum e ngdirkak ongit el mo er tir.

Me nguaisei, ngsoad lolengeseu sel leduubech a tellemall er a beluu. (Heb 13:16) Ngkmal betik a rengud er a rudam er kid! Ngera sebeched el meruul er ngii? Sel kot el klou a ultutelel el rolel a sebeched el meluluuch el kirir tirke el miltemall a belurir me tirke el oureor lolengeseu er tir. Ngdirrek el sebeched el melenget el mora worldwide work. Ngar cheungel a ulekrolel a Governing Body, e aika el branch office a medengelii sel kot lungil rolel e aika el tenget a mo ungil el ngeseu. E a lsoad el mo teloi er a ureor lolengeseu, e ngsebeched lochotii el kmo kede kltmokl el mong, loeak a de fill out er a Local Design/​Construction Volunteer Application (DC-50).

MOMES ER A VIDEO EL DEVASTATING FLOODING IN BRAZIL, E MONGER TIA EL KER:

Ngera kmal soam er a ureor lurruul er ngii a Resioning er a Jehovah el olengeseu er a imui el dilubech er a Brazil er a 2020?