A bltikerreng a uid el oldak er a telungalek. A lak a bltikerreng e ngmo meringel er a telungalek a melemolem el ngar er a kltarreng e kaingeseu. Te mekera rebechiil el sechal, rebechiil el redil, me a ruungalek e ochotii a bltikerreng er a chelsel a telungalek er tir?

A betik a rengul bechiil el sechal a melatk aike el lousbech a bechil me a dirrek aike el ngar er a uldesuel me a rengul. (Efe 5:28, 29) Ngmsa telungalek er ngii aike el lousbech er a tekoi er a klechad me a tekoi er a klereng, el uldimukl er a loruul er a Omengull el Telungalek er tir er a bek el sandei. (1Ti 5:8) A betik a rengul bechiil el redil a chederedall er a bechil e “mengull” er ngii. (Efe 5:22, 33; 1Pe 3:1-6) Tir el obekel a kirir el kongei el kausubes er a delongelir. (Efe 4:32) A ruungalek el betik a rengrir er a rengelekir a olecholt a klemeriarreng er a rederta el ngelekir e olisechakl er tir el mo betik a rengrir er a Jehovah. (Dut 6:6, 7; Efe 6:4) Ngera el omelsemai a lechelebangel a rengelekir er a skuul? Te mekera e outekangel a orimel? Sel lengar er ngii a bltikerreng er a chelsel a telungalek, e a rokui el chedal a mo melechesuar a ulekerreu me a osebechakl.

MOMES ER A VIDEO EL DISPLAY UNFAILING LOVE IN YOUR FAMILY, E MONGER AIKA EL KER:

• Ngmekera betik a rengul bechiil el sechal e omeka e mengedmokl er a bechil?

• Ngmekera betik a rengul bechiil el redil e mengull er a bechil?

• Te mekera ruungalek el betik a rengrir er a rengelekir e osisecheklterir a rengelekir er a Tekingel a Dios?