Sel doba klemeriarreng el mesaod a tekoi, e a rechad a mo sorir el orrenges er kid. Tia dirrek el ochotii el kmo kede omes er a klumech el domerk er ngii el kmal klou a ultutelel. Me alta kede rokui el di kakerous a blekerdelel me a ulekuruled engdi ngsebeched el mesuub el mo oba klemeriarreng. (Rom 12:11) Ngmekera doruul er tiang?

A kot, e molatk er a klungel a ultutelel a klumech el momerk er ngii. Kau a ngar ngii a ileakl el techellem el “omerk ra ungil klumech!” (Rom 10:15, BT) Ongerung, molebedebek a klungiaol el bo lengai tirke el rongesau. Te kmal lousbech el remenges aike el molekoi. (Rom 10:13, 14) A ulebongel, e mongedecheduch el omchim me a medam le dirrek lochotii a uldesuem el kirel a tekoi el mosaod.

MOMES ER A VIDEO EL EXPERIENCE THE JOY OF DISCIPLE-MAKING​—IMPROVE YOUR SKILLS​—TEACHING WITH ENTHUSIASM, E MONGER AIKA EL KER:

• Ngera rirellii a Neeta el mo diak el semeriar el mesuub lobengkel a Jade?

• Ngera ngilsuir a Neeta el lmuut el mo semeriar er a omesubir?

• Ngera uchul me ngkired el blechoel melatk a ungil blekerdelir tirke el orrenges er kid?

• Ngera ngrullii a klemeriarreng er kid el mo er tirke el dosuub lobengterir me a dirrek el rebebil?