A remesuub er a Biblia a lsorir lodeuir a rengul a Dios e ngkirir toketekii a klaumerang er tir. (Heb 11:6) Ngsebeched el remutech a rengrir lousbech er a Mkiei el Mo Cherechar! el babier. Tia el babier a meskid a meklou a ultutelel el bades, bleketakl el omesaod, kmal ungil ker, video, me a siasing. Sel dengesuterir el mo omekeroul a blekerdelir a Rekristiano me a dirrek el deleuill er tir me a Dios, e kede meleketek lousbech a klekedall el diak el metemall er a ngau.​—1Ko 3:12-15.

A rebebil omdasu el kmo ngmeringel er tir a mo sechelil a Dios le ngdiak lesang. Me ngkired el ngosuterir el mo medengelii e oumerang er a Jehovah.

MOMES ER A VIDEO EL BUILD FAITH IN JEHOVAH, USING “ENJOY LIFE FOREVER!” E MONGER AIKA EL KER:

• Kede mekera medengei el kmo ngike el odos a mle ungil kutmeklii el kirel a omesubir?

• Ngmilekera e uluusbech a lmuut el bebil er a ker el ngosuir a chad el mesuub el ouchais er a uldesuel el kirel a Isaia 41:10, 13?

• Ngera ngrirellii a video me a bades el mo er ngike el mesuub?

A rebetok a diak lodengelii a belkul a olubet me a lechub e lomes er ngii el ileakl el sengk er a Dios el mo er tir. (Gal 2:20) Me ngkired el ngosuterir el toketekii a klaumerang er tir er a olubet el tengetengel a Jesus.

MOMES ER A VIDEO EL BUILD FAITH IN JESUS, USING “ENJOY LIFE FOREVER!” E MONGER AIKA EL KER:

• Kede mekera medengei el kmo ngike el odam a mle ungil kutmeklii el kirel a omesubir?

• Ngmilekera ousbech er a suobel el ngar er “A Lsebechem e Momes” el ngosuir a chad el mesuub?

• Ngera uchul me ngkmal klou a ultutelel doluluuch el kirel a chad el mesuub?