Ngera audio Bible? Tia recording er a revised el New World Translation. Tia lokekokterir loltobed er ngii el ngar er a rokui el omelekoi el sebechir lotobed. A ta er a klungiolel tia el audio Bible a ngousbech a kakerous el oto er a ngerir a rechad. Tirke el menguiu a olsiich a ileakl el tekoi me a rolel a longuiu ouchais a lulemdasu me a lechub e te ulemelechesiu a rechad el melemalt louchais a klumech er a Biblia.

Te mekera rebebil e melai a klungiolir er a audio Bible? A rebetok er tirke el blechoel lorrenges er a audio Bible a kmal sorir a rolel e ngrullii a Tekingel a Dios el mo merang er a uldesuir. Te feel el kmo sel lorrenges a kakerous el oto er a ngerir a rechad el mengedecheduch, e ngsebechel a tekoi longuiu el meluches er a uldesuir e mo bleketakl a tekoi el llechukl er a Biblia. (Osi 4:5) A rebetok a dirrek el mla metik el kmo sel bo louedikel a rengrir e ngmengellakl er tir sel lorrenges er a audio Bible.​—Psa 94:19.

Sel dorrenges er a omengiuel a Tekingel a Dios e ngkmal klou a sebechel rullii er a klengar er kid. (2Kr 34:19-21) A lsekum e ngngar ngii a cherrungel me a lechub e ngtedobech er a audio Bible el mla motobed er a omelekoi el modengelii, e kau ngsebechem lorrenges er a omengiuel e rullii el mo telengtengil a klengar er kau?

MOMES ER A VIDEO EL PRODUCTION OF THE AUDIO BIBLE​—EXCERPT, E MONGER AIKA EL KER:

Ngera kmal soam er a rellel a audio Bible?