“A RUBAK a dmeu a rengul er a re chedal.” (Psa 149:4) Alta ngdiak demecherrungel, a Jehovah omes a ungil el blekerdeled me aike el sebeched el mo remuul er a ngar medad. Me nguaisei, a lebebil e nglocha mo diak letabesul osenged el kired. Omerellir a rebebil el bedul kid a uchul me kede locha mo feel el kmo ngdiak a ultuteled. Me a lechub e kede di mo melatk a kngtid er a ngar er a mong e mo oumededenger el kmo a Jehovah ngmera el sebechel mo betik a rengul er ngak. Ngera sebechel ngosukid sel bo domelechesiu el uaisei?

Lak mobes el kmo Jehovah omes lengelakl er aike el lomes a rechad. (1Sa 16:7) Tia belkul a kmo ngomes lengelakl er a osenged el kired. Kede oba omereng el saul e le Biblia ngosukid el mo medengelii a osengel a Jehovah el bedul kid. Ngsebeched el mo medengelii osengel kired loeak sel donguiu a Bades me a cheldecheduch el ngii ochotii a klungel a bltkil a rengul el mora remesiungel.

MOMES ER A VIDEO EL PERSUADE YOUR HEART BEFORE JEHOVAH, E MONGER AIKA EL KER:

• Ngmekera okesiu er a chad el remurt me a demal e osisecheklid el kirel a osengel a Jehovah el bedul kid?

  Your answer

• A lsekum a chad a rullii a oberaod el klengit e remuul aike el rokui el kirel el lmuut el sumechii a deleuill er ngii me a Jehovah, e ngmekera sebechel olleklii a rengul er medal a Jehovah?​—1Jn 3:19, 20, BT

  Your answer

• Ngmilekera odam e ngmai a klungiolel er a longuiu e lolebedebek a cheldecheduch el kirel a David me a Jehosafat?

  Your answer