A blak a rengul e mellomes a rengul mesiou a meskid a keled el mechir “sel belsechel,” el ochotii el kmo a Jehovah, el ngii a omekrael er ngika el mesiou, a medengei aike el dousbech el tekoi er a klereng. (Mt. 24:45) Nguldimukl er ngii, e ngsebeched el mesa tiang lokiu aike el meklou el ongdibel er kid me a miting er kid er a Klengar er Kid a Rekristiano me a Omesiunged.

MOMES ER A VIDEO EL 2017 TEACHING COMMITTEE REPORT, E MONGER AIKA EL KER:

• Ngtecha rredemelel a nguu a odanges el kirel aike el meklou el ongdibel el doldeu a rengud er ngii, e ngera uchul?

• Ngoingerang e ngomuchel a ureor el kirel a meklou el ongdibel?

• Ngmekerang e mengilt aike el tekoi el mo soadel er a meklou el ongdibel?

• Ngera el ureor a meketmokl el kirel a meklou el ongdibel?

• Ngmekerang a rolel a omesuub el ngar er a Gilead e kutmokl aike el tekoi el dosuub er a miting er kid er a Klengar er Kid a Rekristiano me a Omesiunged?

• Ngmekerang a kakerous el department e dmak el oureor el mengetmokl a subeled er a miting?

Ngua ngera uldesuem el kirel aike el tekoi er a klereng el longetmokl a Jehovah?