A miting er a odingel a di ua bek el miting er kid el Jehovah a mla kutmokl me bo lsebeched el kaingeseu e kaiuecholt a bltikerreng e keruul a ungil. (Heb 10:24, 25) Ngkirel di eim el mora euid el bung a klemengetel. A odam loltobed er a miting a kirel assign er a remo dmak, mesterir a rechad a territory, e chosmerii a miting loeak a nglunguuch er a chelsel tiakid el taem. (A lsekum a miting er a odingel a mo er ngii er a uriul er a miting e ngkirel lmuut el mo kedeb.) A odam loltobed er a miting er a odingel a kirel mesaod a tekoi el sebechir a rechad lousbech el mo oldingel er seikid el sils. El ua tiang, sel Sebadong e a rebetok el mo oldingel a dimlak loldingel er a weekdays me ngungil losaod a rolel e ngsebeched el omuchel a cheldechedechad. Ngera bebil er a tekoi el dirrek el sebechel mesaod?

• Ta er a rolel a domuchel a cheldechedechad el ngar A Klengar er Kid a Rekristiano me a Omesiunged​—Subeled er a Miting

• Rolel e ngsebeched lousbech a tekoi el dirk dilubech lomuchel a cheldechedechad

• Rolel e ngsebeched el smaod aike el blechoel el ultekengir a rechad

• Rolel e kede mengedecheduch er a chad el diak loumera er a Dios, oumera er a evolution, ngodech a omelekingel, me a lechub e ngchedal a klechelid el ngodech er a klechelid er a ruumesingd el chad er a territory

• Rolel e ngsebechir lousbech er a ileakl el tekoi el ngar er a jw.org, JW Library^® app, me a lechub e ng Biblia

• Rolel e ngsebechir lousbech er a ta er a dongu el ngar er a Blil a Dongu er kid

• Rolel e te meruul a ileakl el tekoi sel lomerk er a klumech lousbech er a dengua, letter writing, omerk er a klumech er a buai, sel loruul a return visit, me a lechub sel losuub a Biblia el obengkel a chad

• Losaod a uleklatk el kirel a safety, ungil blekeradel el soad lolecholt, bo doba ungil el uldasu, bo doltirakl aike el ungil er a rechad er a territory, me a lechub ngkuk bebil er a tekoi el osisiu er aikang

• Suobel me a lechub e ng video el ngar er a Mosuub el Mo Ungil Menguiu e Molisechakl el brochure

• Rolel e ngsebeched el melisiich e olengeseu er a chad doureor lobengkel er a odingel

• Bades el mesaod er a berkel a klumech me a lechub e ngouchais er a experience er a odingel el sebechel melisiich er a remo oldingel