A Jesus a ulemerk er a “Ungil Chais er a Rengedel a Dios.” (Lk 4:43) Ngdirrek el ullisechakl er a rechad el mo meluluuch me lemei tia el Renged. (Mt 6:9, 10) A November e kede mo meruul er a ileakl el ureor el ouchais el kirel a Rengedel a Dios. (Mt 24:14) Mrellii a schedule er kau me bo el sebechem el mo mui el teloi er tia el ureor. Tirke el mo auxiliary pioneer er tia el buil a sebechir el melilt el mo meruul a 30 me a lechub e ng 50 el sikang.

Monguiu a bades el mesaod er a Rengedel a Dios el mora rechad er a territory er kau. E sel molilt er a bades el bo monguiu er ngii e molatk el kmo ngua ngera klaumerang er a chad. E a lsekum a chad a olecholt er a klemeriarreng e bsa No. 2 2020 el Ongkerongel el mora buai. Mluut el mo odngelii er a di mereched el taem e molasem lomuchel er a omesubel a Biblia lobengkel lousbech er a ta er a babilenged el ngar er a Blil a Dongu. A taem el Rengedel a Dios a mo olekngemed a rokui el derreder el omtok er ngii a kmal kmedang. (Dan 2:44; 1Ko 15:24, 25) Me a leuaisei e de bora tkurrebab el sebeched lousbech er tia el ileakl el techall lochotii el kmo kede ngiltii a Jehovah me a Rengedel!