A ungil chebechiielir a Rekristiano a mengebkall er a Jehovah e uchul a klou el deurreng el mora bechiil el sechal me a redil. (Mk 10:9) A Kristiano a lsoal a lolemolem a chebechiielel e lengar ngii a deurreng er ngii, e ngkirel loltirakl a omellach er a Biblia sel losiik er a mo bechil.

Molatk el mo bechiil er a uriul er a om “engelakl er a taem er a ngibes er a klengeasek,” el mla mo sebechem el ungil omdasu e melilt. (1Ko 7:36, NW) Bo mungil lousbech er a klsobiall er kau el melisiich er a deleuill er kau me a Dios e omekeroul a blekerdelir a Rekristiano. Seikid e ngsebechem lungil kltmokl el mo rullii a chebechiielem el mo ungil.

Uchei er a omkengei el mo bechil a chad, e mongoit a taem el mo medengelii ngike el ‘meral chad el ngar a chelsel.’ (1Pe 3:4) A lsekum e ngmo er ngii a tekoi el kmal mengesang er kau e mongedecheduch er ngii el kirel. Me ngdi ua bek el deleuill, a chebechiil a kirel aike el sebeched el msang a chad er a bai ike el sebeched el ngmai er ngii. (Fil 2:3, 4) Sel moltaut omellach er a Biblia er uchei er obo bechiil, e ke toketekii a uchetemel a ungil chebechiil.

MOMES ER A VIDEO EL PREPARING FOR MARRIAGE​—PART 3: “CALCULATE THE EXPENSE,” E MONGER AIKA EL KER:

• Ngmilekera olengeriakl a deleuill er a odos me a Shane?

• Cherengel a taem e ngngera ngmlo mtebengii?

• Te milekera rechad er a blil e ngosuir, e ngera mellomes el omelilt el lerirellii?